Цӕгат Иры тыхон структурӕтӕ ӕрцахсты рӕстӕджы байстой коллекцион "Маузер"

© Пресс-служба УФСБ РФ по РСО-АКоллекцион "Маузер"
Коллекцион Маузер - Sputnik Хуссар Ирыстон
Рафыссын
Цӕгат Ирыстоны ӕмӕ Мӕхъӕлы цӕрджытӕй конд фыдгӕнон къорды ӕрцахстой "Маузер"-ы коллекцион экземпляр ауӕй кӕныны рӕстӕджы.

ЦХИНВАЛ, 1 июл — Sputnik. Цӕгат Ирыстоны ӔФС-йы кусджытӕ сӕ коллегӕтимӕ мидхъуыддӕгты министрадӕй ӕрцахстой хӕцӕнгарз уӕйгӕнджыты, 2,5 милуан сомӕй коллекцион "Маузер" ауӕй кӕныны рӕстӕджы, фехъусын кодта ӔФС-йы регионалон управленийы пресс-службӕ.

Ведомствӕйы зонӕнтӕм гӕсгӕ, Цӕгат Иры ӕмӕ Цӕцӕны цыппар ӕмбӕстагӕй конд фыдгӕнон къорд, сарӕзтой ӕхсӕнрегионалон канал, кӕцы ифтонг кодта хӕцӕнгарз ӕмӕ хӕстӕрмӕджытӕй.

Фигуранты æрцахстой паддзахадон арæны сæрты рахизыны рæстæджы - Sputnik Хуссар Ирыстон
Цæгат Иры стæрхон кодтой цхинвайлаг нæлгоймагæн хæцæнгарзы контрабандæйы тыххӕй

"Оперативон-агурӕн мадзӕлтты рӕстӕджы ӔФС ӕмӕ МХМ-ы кусджытӕн ссис зындгонд, нывӕзт кӕй цӕуы хӕстӕрмӕджытӕ ауӕй кӕныны хъуыддаг. Ацы хатт фыдгӕнджытӕ ӕндӕр хӕстӕрмӕджыты нымӕцы сфӕнд кодтой ӕнахуыр ӕхсӕн иуӕг — коллекцион хӕцӕнгарз 2,5 милуан сомӕй ауӕй кӕнын", — дзурдӕуы управленийы хъусинаджы.

Фыдгӕнджытӕ ӕлхӕнӕгимӕ фембӕлдмӕ куы ӕрбацыдысты, уӕд сӕ размӕ бабадтысты оперативон кусджытӕ.

Фыдгӕнон къорды машинӕ басгарыны рӕстӕджы ссардӕуыд зæриндоны тылд коллекцион пистолет "Маузер", кӕцытӕтӕ, развӕлгъау бӕрӕггӕнӕнтӕм гӕсгӕ, Уӕрӕсейы сты ӕрмӕстдӕр ӕртӕ.

Оперативон кусджытӕ ма ссардтой 7.62 калибры хӕстӕрмӕджытӕ ӕмӕ пистолет ӕвӕрынӕн сӕрмагонд кейс.

Баконд ӕрцыд уголовон хъуыддаг "Хӕцӕнгарз ӕнӕзакъононӕй ӕлхӕнын, химӕ дарын ӕмӕ уӕй кӕныны" фӕдыл.

Ног хабӕртты лентӕ
0