16:28 11 ЦЫППУРСЫ МÆЙ 2017
Комкоммӕ эфир
Дзӕуджыхъӕу

Дзӕуджыхъӕуы сывӕллӕтты хӕдзарӕн балӕвар кодтой зӕххы фадыг

© Sputnik / Алана Сабеева
Цӕгат Ирыстон
Чысыл дӕнцӕг
10 0 0

Дзӕуджыхъӕуы сывӕллӕтты хӕдзар "Виктория"-йӕн цы зӕххы фадыг хъавынц балӕвар кӕнынмӕ, уый ныртӕккӕ у афтид ӕмӕ сывӕллӕтты уагдоны къухдариуӕгадӕн уыдзӕн фадат уымӕй сывӕллӕтты хӕрзиуӕгӕн спайда кӕнын.

ЦХИНВАЛ, 1 дек — Sputnik, Болататы Алина. Хӕрзаудӕн фонд "Лӕвар" балӕвар кӕндзӕн цӕгатирыстойнаг сывӕллӕтты хӕдзар "Виктория"-йӕн 14 соткӕйы зӕххы фадыг. Уый тыххӕй фехъусын кодта паддзахадон исад ӕмӕ зӕххы ахастыты министр Тедеты Руслан.

"Республикӕйы исады бары регистрацийы фӕстӕ уыдзӕн фадат "Виктория"-йӕн зӕххы фадыг балӕвар кӕнын", — банысан кодта Тедеты Руслан.

Министр куыд загъта, афтӕмӕй "Виктория"-йы цур ис хӕрзаудӕн фонд "Лӕвар", кӕцы сфӕнд кодта сывӕллӕтты хӕдзарӕн балӕвар кӕнын зӕххы фадыг Къостайы проспектыл.

Ныртӕккӕ уагдонмӕ ӕввахс зӕххы фадыг у афтид. Фӕлӕ зӕхх райсыны фӕстӕ сывӕллӕты хӕдзары администрацийӕн фӕзындзӕн фадат уым хӕрзарӕзтадон куыстытӕ ауадзын, "Виктория"-йы цы сывӕллӕттӕ цӕрынц, уыдон хъуагдзинӕдтӕм гӕсгӕ.

Республикон сывӕллӕтты хӕдзар-скъола арӕзт ӕрцыд 2000 азы 7 февралы. 2006 азы та йӕ ном ивд ӕрцыд сидзӕр сывӕллӕттӕ ӕмӕ ӕнӕ ныййарджыты хъусдардӕй аззайгӕ сывӕллӕтты паддзахадон ахуырадон уагдон, сывӕллӕтты хӕдзар-скъола "Виктория".

Уагдон реализаци кӕны райдиан иумӕйаг, бындурон иумӕйаг ахуырадон программӕтӕ, сывӕллӕтты хъомылад, гоймӕгты зонадон, эмоционалон ӕмӕ физикон райрӕзт, социалон хъахъхъӕнынадӕй ифтонгад, медико-психолого-ахуырадон реабилатици ӕмӕ социалон адаптаци.

Сӕйраг темӕтӕ