ЦХИНВАЛ, 12 янв — Sputnik. Цӕгат Ирыстон ахсы 68-ӕм бынат Уӕрӕсейы Федерацийы инновацион регионты рейтингы, хъусын кӕны РИА Новости.
Уымӕ гӕсгӕ, рейтингы квалификацимӕ гӕсгӕ, Цӕгат Ирыстон хауы астӕуккаг-лӕмӕгъ инноваторты нымӕцмӕ. Ацы номхыгъды ма сты Хъырым, Севастополь ӕмӕ кавказаг республикӕтӕ — Кӕсӕг- Балхъар — 69-ӕм бынат ӕмӕ Дагестан — 75-ӕм бынат.
Лидерты къордмӕ та традицион ӕгъдауӕй бацыдысты Мӕскуы, Санкт-Петербург ӕмӕ Татарстан.
"Рейтингы ацы ӕртӕ лидеры сты ӕнӕаивгӕ бирӕ ӕзты дӕргъы. Фӕлӕ ацы версийы Мӕскуы рахызт фыццаг бынатмӕ, Санкт-Петербург ӕрхауд дыккаг бынатмӕ, Республикӕ Татарстан та фидарӕй ахсы ӕртыккаг бынат", — загъта Уӕрӕсейы инновацион регионты ассоциацийы проектты къухдариуӕггӕнӕг Роза Семенова.
Кӕцыдӕр кавказаг регионтӕ рейтингы ӕрхаудтой ноджы бындӕр — Хъӕрӕсе- Черкес, Цӕцӕн, Мӕхъӕл хуынд ӕрцыдысты лӕмӕгъ инноватортыл.