ЦХИНВАЛ, 22 фев — Sputnik. Цӕгат Ирыстоны тыхон структурӕтӕ дыццӕджы ауагътой антитеррористон ахуыртӕ Дзӕуджыхъӕуы, цы ран хайад райстой республикӕйы ӔФС, МХМ ӕмӕ УУМ, хъусын кӕны РЦИ- Аланийы оперативон штаб.
Ахуырты легендӕмӕ гӕсгӕ, хотыхджын къорд стадион "Спартак"-ы ӕрцахста амӕттӕгты, цы ранмӕ экстренон ӕгъдауӕй фӕхӕццӕ сты тыхон ведомствӕты ӕмӕ сӕрмагонд службӕты дӕлхайадтӕ, Оперативон штаб та ӕрӕвнӕлдта контртеррористон операци ӕххӕст кӕнынмӕ.
Штабы информацимӕ гӕсгӕ, "фыдгӕнджытӕ" цы амӕттӕгты ӕрцахстой, уыдон цард ӕмӕ ‘нӕниздзинадӕн тас кӕй уыд, уый тыххӕй райст ӕрцыд скъуыддзаг контртеррористон операци ауадзын. Тыхон структурӕты архӕйдтыты фӕрцы "фынгӕнджыты къорд" сӕнӕзиан кодтой, "амӕттӕгты" та ссӕрибар кодтой.
Штабы банысан кодтой, республикӕйы территорийыл ахӕм ахуыртӕ кӕй цӕуынц рӕстӕгӕй рӕстӕгмӕ Националон антитеррористон комитеты эгидӕйы бын ӕмӕ сын бӕстӕйы къухдариуӕгад кӕны бӕрзонд аргъ.
