ЦХИНВАЛ, 25 июл — Sputnik. Цæгат Кавказы кад преми "ARTIS"-ы хъахъхъæндзæн цæгатирыстойнаг ансамбль "Солнце Кавказа", хъусын кæны информацион портал Кавказ Сегодня.
2016-2017 æзты сфæлдыстадон сезоны фæстиуджытæм гæсгæ, хуыздæр сывæллæтты æмæ фæсивæдон коллективтæн æрвылазон æхсæнадæмон преми "ARTIS" раттыны церемони уагъд æрцæудзæн ацы аз, 5 декабры Санкт-Петербурджы.
"Цæгатирыстойнаг коллектив ссис номинаци "Сезоны хуыздæр инструменталон ансамбль (оркестр)"-ы лауреат. Колледжы ахуыргæнæг Дзабиты Рустамы та рахицæн кодтой номинацийы "Инструменталон музыкæйы фæдыл сезоны хуыздæр ахуыргæнæг", — дзырдæуы хъусинаджы.
Преми " ARTIS" æрвылаз лæвæрд цæуы курдиатджын сывæллæттæн аивады æндæр æмæ æндæр хуызты се 'нтыстыты тыххæй, афтæ ма сæ ахуыргæнджытæн. Фарон йæ хайадисджытæ ссисты 1500 адæймаджы Уæрæсе, Беларусь, Казахстан æмæ Словакийы горæттæй 80-æ фылдæрæй. Ныртæккæ ист цæуынц куырдиæттæ премийы сайтыл.
Премийы хицæуттæ адих кæндзысты 500 мин сомы бæрц призон фонд. Ацы аз мадзалы хайад райсдзысты 2000 конкурсантæй фылдæр Уæрæсе, Беларусь, Казахстан, Словаки, Эстони, Инди æмæ дунейы æндæр бæстæтæй. Конкурсантты аивадæн аргъ кæндзысты шоу-бизнесы стъалытæ, культурæйы, аивад æмæ спорты сгуыхт архайджытæ, телепроектты финалисттæ.
