21:38 19 РУХÆНЫ МÆЙ 2017
Комкоммӕ эфир
Уататы Надежда

Уататы Надежда ацæудзæн Ирыстонæй проект "Ты супер! Танцы"-мæ

© Газета "Слово"
Цӕгат Ирыстон
Чысыл дӕнцӕг
12 0 0

Ӕхсæнадæмон проект "Ты супер! Танцы" райдайдзæн 2 сентябры. 140 æрыгон кафджытæ равдисдзысты сæ хореографион арæхстдзинад нæ бæстæйæн æмæ буырнын кæндзысты, алкæмæн дæр кæй у йæ бон кафын

ЦХИНВАЛ, 30 авг — Sputnik. Цæгатирыстойнаг сывæллæтты хæдзар-скъола "Виктория"-йы хъомылгæнинаг Уататы Надежда ацæудзæн æхсæнадæмон конкурс "Ты супер! Танцы"-мæ. Уый тыххæй фехъусын кодта газет "Слово" НТВ пресс-службæйы информацийыл æнцойгæнгæйæ.

Ӕнæ ныййарджыты æвджидæй аззайгæ сывæллæттæн НТВ-йы уникалон проект ратдзæн фадат фыццаг къахдзæфтæ саразын кафджыты дунейы.

Дæс азæй фæстæмæ Надежда кафы сывæллæтты хæдзары цур кафджыты кружокы, æнтыстджынæй исы хайад конкурсты æмæ фестивальты. Йæ бæллиц у хорз адæймаг рацæуын, афтæ ма дарæсы дизайнер суæвын æмæ рæсугъд дзауматæ аразын.

Ӕхсæнадæмон проект "Ты супер! Танцы", кæцы уадзынц телекомпани НТВ æмæ æхсæнадæмон информацион агентад Sputnik, æрбангом кæндзæн курдиатджын сывæллæтты Уæрæсейы алы къуымтæй, ХПӔ æмæ Балтийы бæстæтæй æмæ сын ратдзæн фадат сæ бæллицтæ сæххæст кæнынæн.

Ӕхсæнадæмон проект "Ты супер! Танцы"-йы премьерæ уыдзæн 2 сентябры 20:00 сахатыл.

Сӕйраг темӕтӕ