ЦХИНВАЛ, 11 сен — Sputnik, Къæбысты Анна. Цæгат Ирыстоны кæронмæ бахæццæ сты æвзæрстытæ республикæйы парламент æмæ муниципалон органтæм. Ӕвзарæн фадгуыты куысджытæ æмæ цæстдарджытæ нымайынц бюллетеньтæ.
ЦӔК бæрæггæнæнтæм гæсгæ, 18.00 сахатмæ Цæгат Ирыстоны схъæлæс кодта 212 136 адæймаджы — уый та у хъæлæсгæнджыты 40,97 проценты.
Иууыл активонæйдæр хъæлæс кодтой Дзæуджыхъæуы æмæ Алагиры районы.
Хъæлæсæппæрсты тыххæй сæ хъуыдытæ загътой Sputnik æвзаджытæ æмæ цæстдарджытæ.
"Мæ хъæлæс ницы скъуыддзаг кæны, уымæн æмæ федтон видео, цы ран чызг ныккалдта иу тыхтон бюллетеньтæ, фæлæ уæддæр мæхи сабыр кæнынæн бацыдтæн æмæ схъæлæс кодтон. Мæ бон зæгъын нæу, кæцыдæр парти цæуы мæ зæрдæмæ, æвзарæм цы ис уымæй", — загъта Пухаты Арина.
Цæгат Ирыстоны хъæлæс кодтой кандидаттæн 70 депутатон бынатмæ республикæйы парламентмæ.
