04:54 24 КÆФТЫ МÆЙ
 2017
Комкоммӕ эфир
Гергиты Лариса

Аивæдты XII æхсæнадæмон фестиваль ацæудзæн Дзæуджыхъæуы

© Sputnik / Ада Багиан
Цӕгат Ирыстон
Чысыл дӕнцӕг
11 0 0

Аивæдты XII æхсæнадæмон фестиваль "Уазæгуаты Гергиты Ларисамæ" адарддæр уыдзæн 1октябрæй 20 октябрьмæ

ЦХИНВАЛ, 2 окт — Sputnik. Аивæдты XII æхсæнадæмон фестиваль "Уазæгуаты Гергиты Ларисамæ" ацæудзæн 1 октябрæй 20 октябрьмæ Цæгат Ирыстоны оперæ æмæ балеты Националон паддзахадон театры, хъусын кæны Ossetia News республикæйы культурæйы министрадыл æнцойгæнгæйæ.

Ацы фестивалы хицæндзинад уыдзæн уый мидæг æмæ дзы фылдæр зæлдзæн инструменталон музыкæ, хайад дзы райсдзысты зындгонд инструменталисттæ, оперон стъалытæ, музыкалон коллективтæ. Фестивалы ма сæ курдиат равдисдзысты Мариинаг театры солисттæ æмæ Цæгат Ирыстоны адæмон артисттæ дæр.

Фестивалы уазджыты нымæцы Цæгат Ирыстонмæ фæуазæг уыдзæн зарæггæнæг Китайæ Сюй Минхун, кæцы у Лисицианы номыл æрыгон вокалистты IV æхсæнадæмон конкурсы лауреат. Программæйы уыдзысты зындгонд аритæ æмæ сценæтæ уырыссаг æмæ фæсарæйнаг оперон классикæйæ.

Сӕйраг темӕтӕ