ЦХИНВАЛ, 16 окт — Sputnik. Дзӕуджыхъӕуккак культурӕйы галуан "Металлург"-ы байгом вернисаж "Преодоление горизонта", цы ран ӕвӕрд сты ирон ӕмӕ дагестайнаг нывгӕнджыты 60 куыстӕй фылдӕр, хъусын кӕны ГТРК "Алания".
Равдыст нывонд у революцийы 100-азон юбилейӕн ӕмӕ конд у нывтӕй, кӕцытӕ ӕвдисынц Ирыстон ӕмӕ Дагестаны культурӕйы ӕнтыстытӕ ивгъуыд ӕнусы 20-ӕм ӕзтӕй фӕстӕмӕ.
Вернисажы организатортӕ сты фонд "Аланика" ӕмӕ Нырыккон аивӕдты паддзахадон центры Цӕгат-Кавказаг филиал.
"Мах сфӕнд кодтам равдисын ирон ӕмӕ дагестайнаг нывгӕнджыты куыстытӕ, уыдонӕй алкӕцы дӕр йӕ рӕстӕджы уыд ногдзинад хӕссӕг, уыдонӕй алкӕцы дӕр цыд рӕстӕгӕй иу къахдзӕф раздӕр. Ацы куыстытӕ ӕвдисынц ӕрмӕст гоймӕгты нӕ, фӕлӕ ма проекттӕ, цаутӕ, кӕцытӕ дӕр уыдысты уыцы дугӕн ногдзинад", — радзырдта Нырыккон аивӕдты паддзахадон центры Цӕгат-Кавказаг филиалы къухдариуӕггӕнӕг Тебиты Галина.
Равдысты хайадисджытӕ ссисты зындгонд нывгӕнджыты куыстытӕ хицӕн ӕмӕ хицӕн жанрты — хуызфыссынад, графикӕ ӕмӕ "авторон куклӕ"-йы, афтӕ ма къамтӕ ӕмӕ видеоӕрмӕджытӕ. Экспонаттӕ рахицӕн кодтой сӕ фондтӕй Тегъанты Махарбеджы номыл Аивадон музей, Дагестаны националон музей, Каспийскы фыццаг галерей ӕмӕ хицӕн коллекционертӕ.
