ЦХИНВАЛ 9 янв— Sputnik. Дзæуджыхъæуы ацæудзæн РЦИ-Аланийы паддзахадон симфоникон оркестры концерт дирижер Албегаты Георгийы къухдариуæгады бын, хъусын кæны Мариинаг театры филиалы пресс-службæ.
Музыкалон изæры программæмæ бацæудзысты Брамсы "Трагикон увертюра", Чайковскийы "Рококойы темæйыл вариацитæ", Шуберты "Ӕнæфæуд симфони".
Концерты солист уыдзæн Санкт-Петербургаг консерваторийы студент, æхсæнадæмон конкурсты лауреат, виолончелист Иван Сендецкий.
Дирижер — Санкт-Петербургаг паддзахадон консерваторийы оперон-симфоникон дирижиркæнынады факультеты студент Албегаты Георгий.
Концерт ацæудзæн 10 январы Цæгат Ирыстоны Мариинаг театры филиалы Концертон залы.