"Симд" цӕттӕ кӕны скифаг-алайнаг кӕфтыты программӕ

© Архивное фото"Сидм" цӕттӕ кӕны скифаг-алайнаг кӕфтыты программӕ
Сидм цӕттӕ кӕны скифаг-алайнаг  кӕфтыты программӕ - Sputnik Хуссар Ирыстон
Рафыссын
Скифаг-алайнаг элементтимӕ ног кӕфтытӕ равдисдзӕн паддзахадон ансамбль "Симд" хуссарирыстойнаг сценӕйыл.

ЦХИНВАЛ, 23 июл — Sputnik. Кафт ӕмӕ зарды паддзахадон ансамбль "Симд" цӕттӕ кӕны ног кафты программӕ, фехъусын кодта Sputnik ансамблы директор Зӕгъойты Рустам.

Ног репертуармӕ бацӕудзӕн скифаг-алайнаг кӕфтыты программӕ. Ирон кафты рӕсугъддзинад ӕмӕ арӕхстдзинадӕн уал саргъ кодтой Мӕскуыйы 9 майы, Уӕлахизы бӕрӕгбоны фӕлгӕтты "Симд"-ы концерты.

Хуссар Ирыстоны националон аивады табугӕнджытӕн фадат уыдзӕн ног программӕ фенын 26 августы — Хуссар Ирыстоны хӕдбардзинад банымайыны бон.

"Ныридӕгӕн республикӕйы къухдариуӕгадимӕ уынаффӕ цӕуы программӕ бынӕттон сценӕйыл равдисыны тыххӕй. Цӕттӕ уал сты ӕртӕ кафты, куыст цӕуы ноджы цалдӕр кафт сӕвӕрыныл дӕр", — загъта Зӕгъойты Рустам.

Уый ма банысан кодта, ног программӕйы нысан кӕй у ирон кафты ратӕдзӕнтӕ равдисын суанг скифты ӕмӕ аланты дугӕй XIX ӕнусы онг, ирон кафт йӕ абоны хуыз куы райста, уӕдмӕ.

"Скифаг кафт ссис Кавказы адӕмты кӕфтыты бындур", — бафтыдта йӕ ныхæстӕм директор.

Кафджыты дарӕс хуыд ӕрцыд сӕрмагондӕй Мариинаг театры.

Ног программӕ сӕвӕрыныл архайы паддзахадон ансамбль "Симд"-ы аивадон къухдариуӕггӕнӕг Саулохты Сергей.

Ног хабӕртты лентӕ
0