Уӕрӕсейаг фӕмардуӕвӕг ӕфсӕддонты ныййарджытӕ баулӕфдзысты Нагутнийы

© Фото из архиваУлӕфӕндон "Нагутни"
Улӕфӕндон Нагутни - Sputnik Хуссар Ирыстон
Рафыссын
2008 азы августы хӕсты Хуссар Ирыстоны сӕрвӕлтау тохы цы уӕрӕсейаг солдатты туг ныккалд, уыдоны ӕввахс адӕм хуынд ӕрцыдысты хосгӕнӕндон "Нагутни"-мӕ улӕфынмӕ.

ЦХИНВАЛ, 1 авг — Sputnik. Хуссарирыстойнаг-гуырдзиаг хӕсты цы уӕрӕсейаг ӕфсӕддонтӕ фӕмард, уыдон ныййарджытӕ ӕмӕ ӕввахс адӕм баулӕфдзысты улӕфӕндон "Нагутни"-йы, фехъусын кодта Sputnik РХИ профцӕдисты советы сӕрдар Джергаты Жанна.

Ацы хӕрзаудӕн акци фыццаг нӕу, ивгъуыд аз дӕр Хуссар Ирыстоны къухдариуӕгады фӕхуындмӕ гӕсгӕ уӕрӕсейаг бабынуӕвӕг солдатты ӕввахс адӕм баулӕфыдысты Сау денджыз ӕмӕ "Нагутни"-йы.

"2014 азы улӕфӕндӕттӕм балцӕгтӕ арӕзт ӕрцыд 20 адӕймагӕн. Авд адӕймаджы бафӕндыд Хуссар Ирыстоны зӕхмӕ ӕрцӕуын. 10 боны дӕргъы уыдон се ‘нӕниздзинад хуыздӕр кодтой Нагутнийы", — радзырдта Джергаты Жанна.

Йӕ ныхӕстӕм гӕсгӕ, уӕрӕсейаг солдатты хиуӕттӕн ма ивгъуд аз арӕзт ӕрцыд балцытӕ республикӕйы фенддаг къуымтӕм ӕмӕ хӕстон архайдтыты бынӕттӕм.

"Уыдоны бафӕндыд, цӕмӕй та ацы аз дӕр ӕрцӕуой Цхинвалмӕ. Хосгӕнӕндоны ис сӕрибар бынӕттӕ ӕмӕ цӕттӕ стӕм, Ирыстонӕн йӕ цард чи нӕ бавгъау кодта, уыдон ӕввахс адӕмы райсынмӕ", —загъта Джергаты Жанна.

Республикӕйы цӕрджыты уарзондӕр улӕфӕн бынӕттӕй сӕ иуы — Нагутнийы — ӕрвылаз дӕр се ‘нӕниздзинад фӕхуыздӕр кӕнынц сӕдӕгай адӕймӕгтӕ. Хосгӕнӕндон ис Знауыры районы, улӕфджытӕ Нагутнийы рацӕуынц хоскӕнынады ӕххӕст курс, фӕисынц ваннӕтӕ дзӕбӕхгӕнӕн суӕрттӕ ӕмӕ цъыфӕй.

Ног хабӕртты лентӕ
0