03:42 23 МАЙРÆМТЫ МÆЙ 2017
Комкоммӕ эфир
Всеобщая перепись населения РЮО

"Зонды къуыбар" рафӕлгъаудзӕн иууыл цӕттӕдӕр скъоладзауты

© Sputnik / Ада Багиан
Хуссар Ирыстоны
Чысыл дӕнцӕг
5810

Интеллектуалон хъазты скъоладзаутӕ ерыс кӕнынц ирон ӕвзаг, ирон литературӕ, ӕгъдӕутты ӕмӕ историйы зонындзинӕдтӕй.

ЦХИНВАЛ, 3 мар — Sputnik. Хуссарирыстойнаг скъоладзаутӕ сӕ тыхтӕ бавзардзысты республикон интеллектуалон хъазт "Зонды къуыбар"-ы, фехъусын кодта Sputnik мадзалы организатор Битеты Марина.

Интеллектуалон хъазты скъоладзаутӕ ерыс кӕнынц ирон ӕвзаг, ирон литературӕ, ӕгъдӕутты ӕмӕ историйы зонындзинӕдтӕй.

"Ныртӕккӕ цӕуынц ӕвзарӕн туры хъӕзтытӕ. Куыд горӕтты, афтӕ районты скъолатӕ дӕр бавдисынц сӕ командӕйы. Фыццаг туры фӕлварӕнтӕ чи ахизы, уыдон равзарынц, дарддӕр сӕ цы хаххыл фӕнды бафӕлварын сӕ зонындзинӕдтӕ, уый — ирон ӕвзаг ӕмӕ ирон литературӕ, ирон ӕгъдӕуттӕ ӕмӕ Ирыстоны историйы", — радзырдта Битеты Марина.

Уый ма банысан кодта, зӕгъгӕ, республикӕйы иууыл дӕрддзӕф Ленингоры районӕй сывӕллӕттӕн ӕрцӕуын фӕзын вӕййы, уымӕ гӕсгӕ хъазты организатортӕ сфӕнд кодтой ӕвзарӕн тур уым бынаты ауадзын.

Республикон интеллектуалон хъазт "Зонды къуыбар" уагъд цӕуы 2013 азӕй фӕстӕмӕ. Мадзалы хайад райсынц 8 кълӕсты ахуырдзаутӕ. Ӕрвылаз дӕр хъазт ӕрӕмбырд кӕны 200 скъоладзауы онг. Хъазтӕн вӕййы цыппар уӕлахиздзауы — ирон ӕвзаг, ирон литературӕ, ӕгъдӕуттӕ ӕмӕ историйы къабӕзты. Уӕлахиздзаутӕ свӕййынц галуаны дӕлбар чысыл академийы уӕнгтӕ, цыран сын Зонад-Иртасӕн институты ахуыргӕндтӕ фӕкӕсынц лекцитӕ.

Сӕйраг темӕтӕ