08:13 21 РУХÆНЫ МÆЙ 2017
Комкоммӕ эфир
Концерт в Цхинвале

Италиаг пианисткӕ Франческа Матачени ратта Цхинвалы концерт

© Sputnik / Наталья Босикова
Хуссар Ирыстоны
Чысыл дӕнцӕг
12 0 0

Италиаг уазджытӕ бадзырдтой ахуыргӕнӕдоны къухдариуӕгад ӕмӕ культурӕйы министрадимӕ, цӕмӕй иу ӕвзонг курдиатджын зарӕггӕнӕг ӕрвыст ӕрцӕуа Италимӕ ӕртӕкъуырион курсытӕм.

ЦХИНВАЛ, 27 май — Sputnik. Цхинвалы музыкалон ахуыргӕнӕндоны уагъд ӕрцыд италиаг пианисткӕ, Россинийы номыл консервоторийы профессор Франческа Матаченийы концерт. Матачени Хуссар Ирыстонмӕ ӕрцыд италиаг делегацийы сконды.

Райдианы уал пианисткӕ радзырдта ӕрӕмбырдуӕвджытӕн Ирыстонӕй йӕ тӕлмӕнты тыххӕй ӕмӕ банысан кодта, ирон адӕмӕн кӕй ис тынг хъӕзныг культурӕ.

"Ацы концерт мӕнӕн у тынг ахсджиаг цау, тынг тыхсын, ӕгӕрыстӕмӕй мӕ хъӕлӕс дӕр фесӕфтон. Цхинвалы цы цалдӕр боны дӕн, уыдон мыл ныууагътой бирӕ ирд тӕлмӕнтӕ", — загъта Матачени.

Профессор ма банысан кодта, стыр аргъ кӕй кӕны, музыкалон ахуыргӕнӕндоны курдиатджын ахуыргӕнӕинӕгтимӕ йын концерт ауадзыны фадат кӕй фӕцис, уымӕн.

Мадзал рауад тынг цымыдисон, музыкалон ахуыргӕнӕндоны минӕвӕрттӕ дӕр сӕххӕст кодтой зарджытӕ италиаг ӕвзагыл. Концерты хайадисджытӕ хорзӕхджын ӕрцыдысты грамотӕтӕй.

Афтӕ ма италиаг уазджытӕ бадзурдзысты ахуыргӕнӕдоны къухдариуӕгад ӕмӕ культурӕйы министрадимӕ, цӕмӕй иу ӕвзонг курдиатджын зарӕггӕнӕг ӕрвыст ӕрцӕуа Италимӕ ӕртӕкъуырион курсытӕм.

Италийы делегаци Хуссар Ирыстонмӕ фӕуазӕг дыццӕджы РХИ культурӕйы министрад ӕмӕ РХИ мидхъуыддӕгты министрады минӕвар Италийы Мауро Мурджайы ӕхсӕн бадзырды фӕлгӕтты.

Уымӕй дарддӕр ма Цхинвалы 2016 азы август-сентябры уагъд ӕрцӕудзысты италиаг кинойы къуыри ӕмӕ Италийы та ирон нывгӕнджыты равдыст.

Сӕйраг темӕтӕ