Хуссар Иры митуард нӕ бахъыгдардта фӕндагон бастдзинад районтимӕ

© Sputnik / Алексей КовалевШихантур
Шихантур - Sputnik Хуссар Ирыстон
Рафыссын
Хуссар Ирыстоны цыппæрæмы изæрæй фæстæмæ уары ивгæ къæвда æмæ мит. Æвзæр боныгъæд аскъуыдта фæндагон бастдзинад Уæрæсеимæ, фӕлӕ республикӕйы мидӕггагон фӕндӕгтыл уавӕр у нывыл.

ЦХИНВАЛ, 2 дек — Sputnik, Плиты Фатимӕ. Хуссар Ирыстоны митуард нӕ бахъыгдардта автотранспортон змæлд мидæггагон фæндӕгтыл, республикӕйы цыппар районмæ дæр æдæрсгæйæ цæуы æхсæнадон æмæ хисæрмагонд транспорт, фехъусын кодта Sputnik паддзахадон унитарон куыстуат "Дорэкспострой"-ы генералон директор Лалыты Мурӕт.

Как транскам занесло снегом - Sputnik Хуссар Ирыстон
Транскам куыд фӕцис миты бын

Хуссар Ирыстоны цыппæрæмы изæрæй фæстæмæ уары ивгæ къæвда æмæ мит. Æвзæр боныгъæд аскъуыдта фæндагон бастдзинад Уæрæсеимæ.

"Дорэкспострой"-ы кусджытæ сӕрмагонд техникæимӕ сыгъдӕг кӕнынц фæндæгтӕ митӕй, уымӕ гӕсгӕ Хуссар Ирыстоны æппæт районтæм дӕр фæндæгтæ сты гом", — радзырдта Лалыты Мурӕт.

Йæ ныхæстæм гæсгæ, иууыл стырдæр мит æрæмбæрзта Синагур-Карзманы фæндагыл, фæлæ уым дæр ныридæгæн змæлд цæуы.

Ног хабӕртты лентӕ
0