05:08 23 МАЙРÆМТЫ МÆЙ 2017
Комкоммӕ эфир
Цхинвалы ихын фæз

Цхинвалы ихын фӕзмӕ бон ӕрбацӕуы 400 адӕймагӕй фылдӕр

© Sputnik / Фатима Плиева
Хуссар Ирыстоны
Чысыл дӕнцӕг
71 0 0

Фыццæгæм январæй фæстæмӕ æрвылбон дӕр фæз бабæрæг кæнынц 400 адæймаджы. Уæлдай активон сты сабитæ, иутæ бæллынц фигуристтæ суæвынмæ, анæттæ та сæрибарæй бырын сахуыр кæнынмӕ.

ЦХИНВАЛ, 9 янв — Sputnik, Плиты Фатимæ. Азы райдианæй фæстæмæ Цхинвалы иунӕг ихын фӕзыл абырыдысты мингай сабитæ æмæ хистæр кары адæм, фехъусын кодта Sputnik фӕзы аразджытӕй иу, фæсивæдон инициативæты центр "Ног фæлтæр"-ы сæрдары хæдивæг Хъуылымбегты Александр.

Ихыл бырæн фæз фыццаг хатт Хуссар Ирыстоны бакодтой ногазон ӕхсӕвы Фæсивæдон инициативаты центр "Ног фæлтæр"-ы хæппæрисæй, президент Тыбылты Леонид æмæ горæт Цхинвалы мэрияйы æмархайдæй. Уый уайтагъд ссис цӕрджыты иууыл уарзондӕр хиирхӕфсӕн бынат.

"Æрвылбон дӕр ихын фæзмæ ӕрбацæуы 400 адæймаджы бæрц. Сӕ фылдӕр вӕййынц сабитӕ, фӕлӕ дзы хистæр кары адæмӕй дæр дзӕвгар вӕййы. Сифтонг сӕ кӕнӕм къахдзоныгътӕй, фӕзыл иу сахат бырын лæууы сæдæ сомы", — радзырдта Александр.

  • Цхинвалы ихын фæз
    Цхинвалы ихын фæз
    © Sputnik / Фатима Плиева
  • Цхинвалы ихын фæз
    Цхинвалы ихын фæз
    © Sputnik / Фатима Плиева
  • Цхинвалы ихын фæз
    Цхинвалы ихын фæз
    © Sputnik / Фатима Плиева
  • Цхинвалы ихын фæз
    Цхинвалы ихын фæз
    © Sputnik / Фатима Плиева
  • Цхинвалы ихын фæз
    Цхинвалы ихын фæз
    © Sputnik / Фатима Плиева
1 / 5
© Sputnik / Фатима Плиева
Цхинвалы ихын фæз

Ихыл бырæн фæзмӕ иууыл фылдæр адæм æрбамбырд вæййы изæрырдæм. Бирæты бахъæуы радты лæууын, науæд та дыккаг бонмæ билеттæ райсын. Фӕзыл уæлдай активон сты сабитæ — иутæ бæллынц фигуристтæ суæвынмæ, анæттæ та сæрибарæй бырын сахуыр кæнынмӕ.

"Дыккаг хатт æрбацыдтæн. Фыццаг тарстæн, фæлæ ныр сæрибарæй бырын. Абон ахаудтæн æрмæстдæр 12 хатты. Хъуамæ сахуыр кæнон иттæг хорз бырын, фæстæмæ дӕр æмæ размæ дæр. Тæхуды ахæм спорт нæм куы бакæниккой, уæд сахуыр кæнин æмæ профессионалон фигуристкæ суæвин", — дзуры фарастаздзыд Чехойты Алина.

Æмрæстæджы ихын галуан нырма райсы ӕрмӕстдӕр 40 адæймаджы, фӕлӕ иннӕ аз организатортæ фæнд кæнынц фæзуат рауæрæх кæнын, цæмæй фылдӕр адӕмӕн уа фадат ам сӕхи ирхӕфсынӕн.

Ихын фӕз гом уыдзӕн, цалынмӕ нӕ фӕхъарм уа, уӕдмӕ. Уæлдæфы хъæрмад 10 градусы онг куы схиза, уæд фӕз дӕр сæхгæндзысты.

Сӕйраг темӕтӕ