13:08 24 ТÆРГÆЙТТЫ МÆЙ
 2017
Комкоммӕ эфир
Аргъау сабитӕн

Хуссарирыстойнаг театры труппӕ ӕвӕры сабитӕн ног аргъау "Тæрхъусы амонд"

© Sputnik / Борис Приходько
Хуссар Ирыстоны
Чысыл дӕнцӕг
13 0 0

Зынгӕ ирон фыссӕг Тъехты Уасилы уацмысмæ гæсгæ аргъауыл кусы театры труппæ режиссер Чилæхсаты Эдуарды сæргълæудæй.

ЦХИНВАЛ, 11 янв — Sputnik. Хуссар Ирыстоны паддзахадон театры актертӕ бавнæлдтой аргъау "Тæрхъусы амонд"-ыл кусынмæ, сфæлдыстадон къорд ныфс дæтты сабиты ног спектаклӕй бахъӕлдзӕг кӕнын февралы, загъта Sputnik театры пресс-секретарь Бекъойты Хох.

Хуссар Ирыстоны паддзахадон драмон театры репертуары аргъæутты нымæц бирæ нæу, цы дзы ис, уыдон та алы саби дӕр федта цалдӕргай хӕттыты.

"Тæрхъусы амонд" фæнд кодтам Ног азмӕ сæвæрын, фæлæ спектаклы уæлæдарæс ныффæстиат кодта хъуыддаг. Ныридæгæн ацы проблемæ дæр скуыддзаг æрцыд æмæ æввахс рæстæджы бавналдзысты репетицитæм. Аргъау хъуамæ рауайа хъæлдзæг ӕмӕ цымыдисон", — радзырдта Бекъойты Хох.

Уый ма бафиппайдта, аргъау кӕй ӕвӕры режиссер Чилæхсаты Эдуард зынгӕ ирон фыссӕг Тъехты Уасилы уацмысмæ гæсгæ. Архайдзæн дзы актертæ Бибылты Сослан, Пæррæстаты Дима, Чохели Натия, Мамиты Григорий æмæ æндæртæ, æдӕппӕт авд актеры.

Сӕйраг темӕтӕ