ЦХИНВАЛ, 13 янв — Sputnik. Информацион агентад ӕмӕ радио Sputnik курдиатджын сывӕллӕтты шоу "Ты — супер!"-ы ӕхсӕнадӕмон информацион партнеры статусы баххуыс кӕндзӕн проекты ӕвзонг хайадисӕг Хуссар Ирыстонӕй Гӕбӕраты Аринайӕн, кӕцы равзӕрст ӕрцыд НТВ развӕлгъау кастингты рӕстӕджы.
НТВ-ы ног проект "Ты суперзвезда!" ратдзӕн фадат курдиатджын сывӕллӕттӕн, кӕцытӕ аззадысты ӕнӕ ныййарджыты ӕвджидӕй, сӕ арӕхстдзинад равдисын. Конкурс "Ты суперзвезда!"-йы хайадисджытӕ суыдзысты сывӕллӕтты хӕдзӕртты ӕмӕ скъола-интернатты хъомылгӕнинӕгтӕ.
Sputnik кӕсджытӕн фӕзындзӕн фадат конкурсы хайадисджыты ӕнтыстытӕм сӕ хъус дарын ӕмӕ сын уыдзӕн бацӕуӕн проекты эксклюзивон фото- ӕмӕ видеоконтентмӕ.
Проекты хайадисӕг Хуссар Ирыстонӕй ӕввахс рӕстӕджы официалон минӕвӕрттимӕ араст уыдзӕн Мӕскуымӕ. Продюсерты ныхӕстӕм гӕсгӕ, сывӕллӕттӕн сӕ фылдӕрӕн ацы балц суыдзӕн фыццаг сӕ горӕтӕн ӕддӕмӕ. Курдиатджын сывӕллӕттӕн уыдзӕн фадат сӕ вокалон арӕхстдзинадимӕ базонгӕ кӕнын профессионалон жюри ӕмӕ милуан телекӕсджыты, бакусын хуыздӕр музыкалон ахуыргӕнджытӕ ӕмӕ продюсертимӕ. Сывӕллӕттӕм ӕрмӕст репетицитӕ ӕмӕ программӕйы хайадист не ‘нхъӕлмӕ кӕсынц, фӕлӕ ма уыдон цӕудзысты ахуыр скъолайы программӕмӕ гӕсгӕ.
Конкурс "Ты — супер!" реализаци цӕуы Уӕрӕсейы ахуырад ӕмӕ зонады министрады ӕххуысӕй. ХПӔ-бӕстӕтӕ ӕмӕ Балтийы тыгъдады музыкалон курдиӕттӕ ӕвдыст уыдзысты 9 бӕстӕйӕ сывӕллӕттӕй, уыйдон нымӕцы Сомихстон, Беларусь, Гуырдзыстон, Молдовӕ, Казахстан, Кыргызстан ӕмӕ Эстони.
"Ты супер!"-ы амонӕг суыдзӕн Вадим Такменев. Сывӕллӕтты вокалон конкурсы премьерӕ уыдзӕн 18 февралы телекомпани НТВ-ы эфиры.
Проекты тыххӕй бӕстондӕр информаци ис НТВ сайтыл. Музыкалон курдиӕтты шоумӕ уӕ хъус дарут Sputnik Хуссар Ирыстоны ресурстыл.
Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.
