Хуссар Иры генпрокурор: закон фехалыны цаутӕ карзӕй цӕудзысты иуварс

© Sputnik / Наталья АйриянГенеральный прокурор Южной Осетии Урузмаг Джагаев
Генеральный прокурор Южной Осетии Урузмаг Джагаев - Sputnik Хуссар Ирыстон
Рафыссын
Генпрокурор фехъусын кодта, ведомствӕ лӕмбынӕг хъусдард кӕй дардзӕн, цӕмӕй хъахъхъӕд цӕуой ӕвзӕрстыты рӕстӕджы Конституци ӕмӕ закӕттӕ ӕмӕ ныридӕгӕн архайы уагӕвӕрд халыны профилактикӕйыл.

ЦХИНВАЛ, 22 фев — Sputnik, Козаты Диана. Хуссар Ирыстоны генералон прокуратурӕ нывӕнды ӕвзӕрстагъоммӕ кампанийы рӕстӕджы ӕмбӕстӕгты ӕвзарӕн барты халыны цаутӕ карзӕй иуварс кӕнын, загъта журналисттӕн республикӕйы генералон прокурор Дзӕгъиаты Уырызмӕг.

Ӕвзӕрстон кампани республикӕйы бацыд активон фазӕмӕ. Кандидатты иу хай ӕмбырд кӕны ӕвзарджыты къухфысттӕ, иннӕтӕ ӕнхъӕлмӕ кӕсынц ЦӔК-ы скъуыддзагмӕ регистраци кӕнӕ тобӕйы тыххӕй.

"Мах нывӕндӕм закон фехалыны цаутӕ карзӕй иуварс кӕнын. Генералон прокуратурӕ ныридӕгӕн кусы ахӕм уагхӕлдтыты профилактикӕйыл, фӕлӕ нӕ ныфс ис, активон архайдтытӕ кӕй нӕ бахъӕудзысты ӕмӕ алцыдӕр ацӕудзӕн сабырӕй", — загъта Дзӕгъиаты Уырызмӕг.

Йӕ ныхӕстӕм гӕсгӕ, абоны боны онг ахӕм факттӕ регистраци не ′рцыдысты, генералон прокуратурӕмӕ та нӕй зонӕнтӕ ӕвзарджыты бартӕ фехалыны фӕдыл.

Шаргаев Виктор - Sputnik Хуссар Ирыстон
ПӔК-ы сӕргълӕууӕг: ӕхсӕнадӕй хи интересты чи пайда кӕны, уый нӕ хъӕуы уадзын политикӕмӕ

Дзӕгъиаты Уырызмӕг фехъусын кодта, ведомствомӕ кӕй бацыд ӕрмӕстдӕр иу претенденты — Гӕбӕраты Нары хъаст, кӕцы ӕвдисы ӕнӕразыдзинад Централон ӕвзарӕн къамисы архӕйдтытимӕ ӕмӕ, йӕ ныхӕстӕм гӕсгӕ, хӕлд цӕуынц йӕ бартӕ. Нӕ йын регистраци кӕны йӕ кандидатурӕ, нӕ йын хицӕн кӕны бӕстыхай инициативон къорды ӕмбырд ауадзынӕн.

Амӕй размӕ журналисттимӕ фембӕлды рӕстӕджы Генералон прокуратурӕ фехъусын кодта, Гӕбӕраты Нары ныхмӕ баконд кӕй ӕрцыд уголовон хъуыдддаг, парламенты спикер Бибылты Анатолийы тыххӕй мӕнг ныхӕстӕ кӕй парахат кодта, уый тыххӕй.

"Хъуыддаг нырма нӕ балхынцъ ӕмӕ йӕ фӕдыл рахаст нӕма рцыд тӕрхон. Уымӕ гӕсгӕ, нӕй бар, цӕмӕй Гӕбӕраты Нары ма срегистраци кӕной президенттӕм кандидатӕй", — загъта Дзӕгъиаты Уырызмӕг.

Генпрокурор банысан кодта, ведомствӕ лӕмбынӕг хъусдард кӕй дардзӕн, цӕмӕй ӕвзӕрстыты рӕстӕджы хъахъхъӕд цӕуой Конституци ӕмӕ закъӕттӕ, уымӕн ӕмӕ ахӕм хӕстӕ сты ӕвӕрд Генералон прокуратурӕйы кусджытыл ПӔК-ы цур цы оперативон штаб арӕзт ӕрцыд, уый куысты фӕлгӕтты.

Ног хабӕртты лентӕ
0