16:31 11 ЦЫППУРСЫ МÆЙ 2017
Комкоммӕ эфир
Хуссар Ирыстон

Ленингоры районӕн снысан кодтой ног сӕргълӕууӕджы

© Sputnik / Михаил Хасиев
Хуссар Ирыстоны
Чысыл дӕнцӕг
10 0 0

Администрацийы кусджытӕн ног сӕргълӕууӕджы дыццӕджы базонгӕ кодта президент Тыбылты Леонид.

ЦХИНВАЛ, 28 фев — Sputnik. Хуссар Ирыстоны Ленингоры районы ног сӕргълӕууӕджы хӕстӕ ӕххӕстгӕнӕгӕй нысан ӕрцыд Дриаты Заза, фехъусын кодтой президент ӕмӕ хицауады пресс-службӕйы.

Ерыстау æлдæртты галуан-гæнах Ленингоры
© Sputnik / Фатима Плиева

Районы раздӕры сӕргълӕууӕг ацыд йӕ бынатӕй барвӕндӕй. Уый Ленингорӕн къухдариуӕг кодта ӕртӕ азӕй чысыл къаддӕр — 2014 азы апрелӕй фӕстӕмӕ.

Администрацийы кусджытӕн ног сӕргълӕууӕджы дыццӕджы базонгӕ кодта президент Тыбылты Леонид. Йӕ ныхӕстӕм гӕсгӕ, Дриаты Заза у республикӕйы аккаг ӕмбӕстӕгтӕй иу, кӕцыйӕ ис ӕвӕрӕн стыр ныфсытӕ ӕмӕ "дӕн ӕнӕдызӕрдыг, кӕй сӕ нӕ фӕсайдзӕн".

"Ленингоры районы хъавынц бакӕнын Паддзахадон таможнӕйон комитеты дӕлхайад ӕмӕ мӕ ныфс ис, Заза Нодары фырт, ацы структурӕйы йӕ фӕлтӕрддзинад хынцгӕйӕ, бакӕндзӕн профессионалон ӕндӕвдад", — загъта президент.

Леонид Тибилов представил нового главу Ленингорского района Зазу Дриаева (третий слева)
Пресс-служба президента и правительства РЮО
Администрацийы кусджытӕн ног сӕргълӕууӕджы дыццӕджы базонгӕ кодта президент Тыбылты Леонид

Тыбылты Леонид ма банысан кодта, Дриаты Заза цыбыр ӕмгъуыдмӕ кӕй хъуамӕ сахуыр кӕна район ӕмӕ цӕрджыты проблемӕтӕ.

"Ныфс мӕ ис, кабинеты кӕй нӕ баддзынӕ, фӕлӕ кусдзынӕ адӕмимӕ", — банысан кодта президент.

Дриаты Заза загъта бузныг президентӕн бакӕнгӕ ӕууӕнчы фӕдыл ӕмӕ банысан кодта, кӕй нывӕнды Ленингормӕ ацӕуын цӕрынмӕ йӕ бинонтимӕ.

Дриаты Заза райгуырд 1971 азы Гуырдзыстоны, горӕт Кобулеты. Ахуырад райста Мӕскуыйы.

Ис ын бинонтӕ, хъомыл кӕны дыууӕ сывӕллоны.

Сӕйраг темӕтӕ