16:30 11 ЦЫППУРСЫ МÆЙ 2017
Комкоммӕ эфир
Эдуард Кокойты

Кокойты Эдуард радта лингвистон фӕлварӕн ЦӔК-ы

© Sputnik / Наталья Айриян
Хуссар Ирыстоны
Чысыл дӕнцӕг
3033

Хуссар Ирыстоны экс-президент Кокойты Эдуард ссис цыппӕрӕм кандидат, кӕцы радта лингвистон фӕлварӕн.

ЦХИНВАЛ, 28 фев — Sputnik. Президенты постмӕ претендент Кокойты Эдуард радта Хусаар Ирыстоны паддзахадон ӕвзӕгты фӕдыл лингвистон экзамен, загътой Sputnik Кокойты Эдуарды ӕвзӕрстагъоммӕ штабы.

Фыццаг хатт Хуссар Ирыстоны паддзахадон ӕвзӕгты — ирон ӕмӕ уырыссаг — фӕдыл фӕлварӕн раттыны домӕнӕй спайда ӕрцыд 2012 азы президентон ӕвзӕрстыты рӕстӕджы.

Паддзахадон ӕвзӕгтӕ зоныны бӕрц сбӕлвырд кӕныны нысанӕн Хуссар Ирстоны президенты постмӕ кандидат хъуамӕ ныффысса диктант ирон ӕмӕ уырыссаг ӕвзӕгтыл, фондзминутон раныхас бацӕттӕ кӕна дыууӕ ӕвзӕгтыл дӕр банысангонд темӕйыл.

"Фӕлварӕн цыд дыууӕ сахатмӕ ӕввахс. Фӕлварӕны фӕстӕ лингвистон къамис загъта, алцыдӕр кӕй ацыд хорз ӕмӕ Кокойты Эдуард фӕлварӕн кӕй радта ӕнтыстджынӕй", — загътой штабы.

Агентады дзырдӕмбалы ныхӕстӕм гӕсгӕ, "Кокойты Эдуард у ныфсджын, фӕлварӕн та йын вазыгджын нӕ уыд".
Централон ӕвзарӕн къамисы нырма ницы комментарий сарӕзтой фӕлварӕны фӕстиуджыты тыххӕй.

Раздӕр лингвистон фӕлварӕн ӕнтыстджынӕй рацыдысты архайгӕ президент Тыбылты Леонид, парламенты спикер Бибылты Анатолий ӕмӕ ПӔК-ы кусӕг Гаглойты Алан.

Хуссар Ирыстоны президентон ӕвзӕрстытӕ уагъд ӕрцӕудзысты 9 апрелы.

Сӕйраг темӕтӕ