18:28 24 ЗÆРДÆВÆРÆНЫ МÆЙ
 2017
Комкоммӕ эфир
Абхазы парламентон ӕвзӕрстытӕ

Цӕстдарджытӕ Хуссар Ирӕй: Абхазы ӕвзӕрстытӕ ацыдысты бӕрзонд ӕмвӕзадыл

Sputnik
Хуссар Ирыстоны
Чысыл дӕнцӕг
19 0 0

Хуссар Ирыстоны парламенты делегаци цӕстдарджыты хуызы йӕ хъус дардта Абхазы парламентон ӕвзӕрстытӕм ӕмӕ нӕ банысан кодта иунӕг уагхӕлд дӕр.

ЦХИНВАЛ, 17 мар — Sputnik. Парламентон ӕвзӕрстытӕ Абхазы ацыдысты иумӕйаг ӕхсӕнадӕмон стандартты ӕвзӕрстон закондӕттынадмӕ гӕсгӕ, загъта Хуссар Ирыстоны парламенты вице-спикер Тедеты Руслан.

12 марты Абхазы уагъд ӕрцыдысты уӕлдӕр закондӕттӕн орган, иупалатӕйон Парламент — Адӕмон Ӕмбырды VI ӕрсидты депутатты ӕвзӕрстытӕ. Спикер Валерий Бганбайы фӕхуындмӕ гӕсгӕ, ӕвзӕрстыты цыдмӕ йӕ хъус дардта Хуссар Ирыстоны парламенты делегаци, кӕцыйы сконды уыдысты вице-спикер Тедеты Руслан ӕмӕ депутат Хуыбиаты Алан.

"Абхазы парламентон ӕвзӕрстытӕ уагъд ӕрцыдысты архайгӕ ӕвзӕрстон закондӕттынад ӕмӕ иумӕйаг ӕхсӕнадӕмон стандарттӕм гӕсгӕ. Мах цы ӕвзарӕн фадгуытыл уыдыстӕм, уым алцыдӕр уыд афтӕ арӕзт, ӕмӕ нӕ тыхджын куы бафӕндыдаид, уӕддӕр нӕ бон нӕ бауыдаид ӕвзарӕн процессы къӕм ссарын, ницы уагхӕлдӕн уыд ссарӕн", — хъусын кӕны Тедеты Русланы ныхӕстӕ парламенты пресс-службӕ.

Депутат ма бӕрзонд аргъ скодта Абхазы ЦӔК-ы куыстӕн. Тедеты Руслан банысан кодта, мониторингон къорд нырма кӕй нӕ фехъуыста иу хъаст ӕмӕ иу фиппаинаг дӕр цӕстдарджыты, депутаттӕм кандидаттӕй ӕууӕнчы адӕмы ӕрдыгӕй.

"Мах ницы фиппаинӕгтӕ фехъуыстам ӕндӕр бӕстӕтӕй ӕхсӕнадӕмон цӕстдарджытӕй дӕр. Ӕвзарӕн фадгуытыл ӕмӕ сӕ алыварс территорийыл ницы карз уавӕр уыд. Ӕххӕст цыд адӕмы иумӕйаг, ӕмсӕр, комкоммӕ ӕмӕ сӕрибар фӕндон", — загъта Тедеты Руслан.

Уый сарӕзта рекомендаци Абхазы адӕмы официалон ӕмӕ ӕнӕофициалон "цӕстуарзджытӕн", кӕцытӕ хъусын кӕнынц, зӕгъгӕ, нӕ банымайдзысты ауадзгӕ парламентон ӕвзӕрстытӕ, "цӕмӕй сахуыр уой ӕвзӕрстытӕ уадзын ахӕм бӕрзонд организацион ӕмвӕзадыл ӕмӕ ахӕм ӕргомӕй, куыд Абхазы парламентмӕ ӕвзӕрстытӕ".

Сӕйраг темӕтӕ