Санахъоты Дауыт: арæнгæрон зонæйы зæххы æнæзаконон куыстытæн æрцæудзæн кæрон

© Sputnik / Ада БагианГосударственная граница Южной Осетии с Грузией
Государственная граница Южной Осетии с Грузией - Sputnik Хуссар Ирыстон
Рафыссын
Хуссарирыстойнаг делегацийы сæргълæууæг бафæдзæхста, Гуырдзыстоны арæнгæрон хъæуты цæрджыты кæй нал бауадздзысты Хуссар Ирыстоны територрийыл зæххы фадгуытæ кусын

ЦХИНВАЛ, 5 апр — Sputnik, Хъотайты Мария. Хуссар Ирыстоны хицæуттæ нал бауадздзысты Гуырдзыстоны арæнгæрон хъæуты цæрджыты хуссарирыстойнаг территорийыл зæхх кусын, фехъусын кодта Инциденттæ ма æруадзыны æмæ аиуварс кæныны фæдыл механизмты (ИÆАМ) форматы фембæлды фæстæ хуссарирыстойнаг делегацийы сӕргълӕууӕг Санахъоты Дауыт.

ИÆАМ-ы форматы радон фембӕлд уагъд æрцыд дыццæджы Хуссар Ирыстон æмæ Гуырдзыстоны æхсæн арæныл — Эргнеты хъæумæ хæстæг.

Санахъоты Дауыты ныхæстæм гææсгæ, фембæлды рæстæджы хуссарирыстойнаг делегаци фехъусын кодта, раздæр дæр кæй бафæдзæхста арӕнгӕрон хъӕуты цӕрджыты, цӕмӕй уыдон ма кусой арӕны хаххӕй хызт зӕххы фадгуытыл.

"Нæ фæдзæхстытæм æнæкæсгæйæ, фадгуытæ уæддæр бакуыстой. Ныр фæззæджы мах нал сараздзыстæм уыдонæн сæ къух æмæ сын нал ратдзыстæм фадат тыллæг бафснайынæн", — загъта Санахъоты Дауыт.

Делегацийы сæргълæууæг ма фехъусын кодта Гуырдзыстоны территорийыл хус кæрдæджы ссыгъды цаутæ, уый фæстæ-иу зынг рахызт хуссарирыстойнаг фарсмæ.

Граница - Sputnik Хуссар Ирыстон
Хуссар Ирыстон æрæхгæндзæн Гуырдзыстонимæ арæн æвзæрстыты рæстæгмæ

Санахъоты Дауыты ныхæстæм гæсгæ, арт бафтыуынц кæрдæгыл барæй, цæмæй арæныл хæлд æрцæуой гæрæнгæнæн æмбондтæ.

Профилактикон мадзалы хуызы, бафтыдта делегацийы сæргълæууæг, арæны æмдæргъ къахт æрцæудзысты зынгсирвæзтты ныхмæ хаххытæ.

Фембæлды ма æрдзырдтой паддзахадон арæн фехалыны цауты статистикæйыл.

"Нæ радон фембæлдæй фæстæмæ Хуссар Ирыстон æмæ Гуырдзыстоны æхсæн арæн фехалыны тыххæй урæд æрцыдысты аст гуырдзиаг æмбæстаджы. Ӕмбæлон процедурæтæ рацæуыны фæстæ, уыдон лæвæрд æрцыдысты Гуырдзыстонæн", — загъта хуссарирыстойнаг делегацийы сæргълæууæг.

ИÆАМ-ы форматы радон фембӕлд уагъд æрцæудзæн 11 апрелы.

Ног хабӕртты лентӕ
0