ЦХИНВАЛ, 9 апр — Sputnik. Хъӕлӕсӕппӕрст президентон ӕвзӕрстыты ӕмӕ Хуссар Ирыстоны историон ном раздахыны фӕдыл референдумы цӕуы сабыр уавӕры, ӕвзарӕн фадгуыты ӕмӕ иумӕйагӕй республикӕйы ницы фӕткхалӕн цаутӕ бӕрӕг кӕны, фехъусын кодтой Sputnik Мидзъуыддӕгты министрады.
Республикӕйы тыхон структурӕтӕ хӕссынц службӕ фӕтыхджындӕргонд режимы, ӕвзӕрстыты боны ӕхсӕнадон фӕтк хъахъхъӕны МХМ хисӕрмагонд сконд иууылдӕр.
Ӕвзӕрстыты тыххӕй Гуырдзыстонимӕ паддзахадон арӕн ӕхгӕд уыдзӕн 10 апрелы онг.
ЦӔК-ы куыд банысан кодтой, афтӕмӕй Цхинвал ӕмӕ районты хъӕлӕскӕнынад цӕуы активонӕй, раздӕры ӕвзӕрстыты фӕлвӕрддзинадыл ӕнцой кӕнгӕйӕ, хъӕлӕсгӕнджыты фылдӕр хаймӕ ӕнхъӕлмӕ кӕсынц сихортыл.
"Ӕвзарджытӕ фӕактивондӕр вӕййынц ӕмбисбонты, мах ӕнхъӕлмӕ кӕсӕм ӕвзарджыты 50% ӕрбацыдмӕ", — загътой ЦӔК-ы.
Хъӕлӕсӕппӕрст уагъд цӕуы 77 ӕвзарӕн фадыгыл Хуссар Иры территорийыл, афтӕ ма Цӕгат Ирыстон, Мӕскуы ӕмӕ Абхазы.
