05:17 20 РУХÆНЫ МÆЙ 2017
Комкоммӕ эфир
Владислав Сурков

Владислав Сурков: Бибылты Анатолийы уæлахиз æнæнхъæлæджы нæ уыд

Пресс-служба парламента РЮО
Хуссар Ирыстоны
Чысыл дӕнцӕг
8 0 0

Хуссар Ирыстоны Централон æвзарæн къамисы сӕрдар Плиты Белла, развæлгъау бæрæггæнæнтыл ӕнцойгӕнгӕйӕ, фехъусын кодта, президентон æвзæрстыты ӕвзарджыты 57,9% хъӕлӕстимӕ кӕй ӕмбулы Бибылты Анатолий

ЦХИНВАЛ, 10 апр — Sputnik. Уæрæсейы президенты æххуысгæнæг Владислав Сурковæн уыд телефонон ныхас Тыбылты Леонид æмæ Бибылты Анатолиимæ, фехъусын кодтой Sputnik УФ президенты администрацийы.

"Уæрæсейы президенты æххуысгæнæг Владислав Сурков телефонæй ныхас кодта Бибылты Анатолиимæ. Афтæ ма президенты æххуысгæнæг аныхас кодта Тыблты Леонидимæ дæр. Сурков загъта бузныг Тыбылты Леонидæн æмгуыстады тыххæй æмæ бахахх кодта йæ хайбавæрд дыууæфарон ахастыты райрæзстмæ. Президенты æххуысгæнæг раарфæ кодта Бибылты Анатолийæн йæ фæуæлахизы тыххæй, кæцы йæ ныхæстæм гæсгæ æнæнхъæлæджы нæ уыд", — загътой УФ президенты администрацийы.

Дыууæ дзырдæмбал дæр равдыстой ныфс дыууæфарсон ахастыты дарддæры райрæзты фæдыл.

Хуыцаубоны Хуссар Ирыстоны уагъд цыдысты президентон ӕвзæрстытӕ æмæ республикæйы ном Паддзахад Аланимæ раивыны фæдыл референдум.

Хуссар Ирыстоны уӕлдӕр постмӕ тырныдтой ӕртӕ кандидаты — архайгӕ президент Тыбылты Леонид, парламенты спикер Бибылты Анатолий ӕмӕ ПӔК-ы кусӕг Гаглойты Алан.

Хуссар Ирыстоны Централон æвзарæн къамисы сӕрдар Плиты Белла, развæлгъау бæрæггæнæнтыл ӕнцойгӕнгӕйӕ, фехъусын кодта, президентон æвзæрстыты ӕвзарджыты 57,9% хъӕлӕстимӕ кӕй ӕмбулы Бибылты Анатолий, йæ фæстæ ис Тыбылты Леонид — 30% æмæ Гаглойты Алан — 11,01%. Алкæй ныхмæ дæр схъæлæс кодтой 1,32%. Уæлахизы тыххæй кандидаты хъæуы райсын хъæлæсты 50%-æй фылдæр.

Сӕйраг темӕтӕ