18:54 21 МАЙРÆМТЫ МÆЙ 2017
Комкоммӕ эфир
Радио Ир

Радио "Ир-FM" исы арфæтæ йæ 85 азы юбилейы фæдыл

© Sputnik / Диана Козаева
Хуссар Ирыстоны
Чысыл дӕнцӕг
2811

Хуссар Ирыстоны рагондæр дзыллон информацийы фæрæз нысан кæны йæ 85 азы юбилей

ЦХИНВАЛ, 11 апр — Sputnik, Плиты Фатимӕ. Хуссар Ирыстоны информацион-музыкалон радио "Ир" дыццæджы нысан кӕны йӕ бындурӕвӕрдыл 85 азы сӕххӕст, Бӕрӕгбоны цытӕн радиойы коллектив сӕумӕрайсомӕй фӕстӕмӕ исы арфӕтӕ ӕмӕ фӕндиӕгтӕ, загъта Sputnik йӕ сӕргълӕууӕг Цхуырбаты Алан.

Радио "Ир" фыццаг хатт айзӕлыд 1932 азы 11 апрелы. Йӕ фæзынды цау республикӕйы ӕппӕт цӕрджытӕн дӕр уыд бӕрӕгбонау. Радиокомитеты куыста ӕдӕппӕт цыппар адӕймаджы, уыдон зонгӕ кодтой бӕстӕйы цӕрджыты ног хабӕрттимӕ.

"Радио "Ир-FM"-ы æвзонг курдиатджын куыстхъом командæ йæ юбилейыл æмбæлы йæ куысты уæлхъус. Бæрæгбоны фæдыл эфиры ницы ивындзинæдтæ ис. Сæумæрайсомæй исæм бирæнымæц арфæйы телтæ æмæ хъарм ныхæстæ радиойы хæлæрттæ æмæ хъусджытæй", — загъта Цхуырбаты Алан.

Абон "Ир-FM" у оперативон информацийы фæрæз, фæфылдæр кусджыты нымæц, рауæрæх сты йæ техникон фадæттæ æмæ авналæнтæ, фæзынд дзы бирæ алыгъуызон ног алæвæрттæ. Кусгæ бонты райсомæй изæрмæ ӕрвылсахат дӕр радиойы радзурынц ног хабæрттæ. Эфир ма хъӕздыг у алыгъуызон рубрикӕтӕ æмæ алæвæрттæй, ирон æмæ фæсарæйнаг музыкæйӕ.

Сӕйраг темӕтӕ