ЦХИНВАЛ, 24 май — Sputnik. Хуссар Ирыстоны уæвæг уæрæсейаг æфсæддон базæйы службæгæнджытæ æмæ сæ бинонты уæнгтæн арæзт æрцыдысты цæрæн хæдзæрттæ æмæ 70 бынатæн нымад сабидон, хъусын кæны Хуссар æфсæддон зылды пресс-службæ.
"Нывæндæм 27 майы раттын эксплуатацимæ æртæ 16-фатерон дыууæуæладзыгон цæрæн хæдзары æмæ 70 сывæллонæн нымад сабидон. Кæронмæ бахæццæ сты базæйы алыварс территорийы хæрзарæзтад æмæ парковкæйы арæзтад", — дзырдæуы зылды хъусинаджы.
Объекттæ арæзт сты ног нырыккон технологитæм гæсгæ экологон сыгъдæг æрмæджытæй. Кусæгон фатертæ сты ифтонг алцæмæй дæр — мебелæй суанг спутникон телеуынынады онг.
ХӔЗ-ы пресс-службæйы информацимæ гæсгæ, æдæппæт базæйы территорийыл нывæзты ис саразын æфсæддон æмæ социалон инфраструктурæйы 40 объекты капиталон арæзтад, уый нымæцы цæрæн хæдзæрттæ, солдатон æмæ офицерон æмдзæрæндæттæ, сабидæттæ æмæ скъолатæ.
