09:51 23 ХУРХÆТÆНЫ МÆЙ
 2017
Комкоммӕ эфир
Фидауынгæнджытæ

Уæрæсе æмæ Хуссар Ирæн сæ бон у иумæ нысан кæнын Фидауынгæнæджы бон

© Sputnik / РИА Новости
Хуссар Ирыстоны
Чысыл дӕнцӕг
1121

Уæрæсейы гæнæн ис æмæ нысан æрцæуа Фидауынгæнæджы бон, зæрдылдарæн датæ æнхъарынц сбæттын уæрæсейаг фидауынгæнджыты Хуссар Ирыстонмæ бакондимæ

ЦХИНВАЛ, 15 июн — Sputnik, Козаты Диана. Уæрæсейаг сенатор Ольга Ковитиди нымайы, Уæрæсейы кæй хъæуы сфидар кæнын зæрдылдарæн датæ æфсæддон службæгæнджыты цытæн, кæцытæ æххæст кодтой æмæ кæнынц фидауынгæнæджы мисси, хъусын кæны "Парламентская газета".

Ацы аз æххæст кæны 25 азы фыццаг фидауынгæнæн операцийыл Хуссар Ирыстоны. Йæ хайадисджытæ нымайынц мисси уникалоныл йе 'нтыстытæ æмæ минималон зиæнттæм гæсгæ.

Уæрæсейы хъахъхъæнынады министрад фарон бацæттæ кодта президенты указы проект Уæрæсейаг фидауынгæнджыты бон снысан кæныны фæдыл, фæлæ документ здæхт æрцыд æрæмдзых кæнынмæ.

Федерацийы Советы Ӕдасдзинад æмæ хъахъхъæнынады фæдыл комитеты сæргълæууæг Виктор Озеровы ныхæстæм гæсгæ, цы бон цæудзæн нысан зæрдылдарæн датæ, уый фæдыл хатдзæгон равзæрст хъуамæ сбæлвырд кæной ветеранты организациты минæвæрттæ.

"Гæнæн ис æмæ ацы датæ баст уа 25 азы размæ Хуссар Ирыстоны фидауынгæнæн операцийы райдианимæ", — загъта министр.

Уый банысан кодта, зæгъгæ уæд, æмбæстагон хъахъхъæнынад æмæ уæлвæткон уавæрты комитетыл Сергей Шойгуйы разамындæй æвæрд æрцыд ацы хæслæвæрд.

Уыцы "фыццаг æнтыстджын фæлтæрддзинад æрæвæрдта бындур фидауынгæнæг операцитæ уадзыны традицитæн УФ-йы Гарзджын тыхты хайадистимæ".

Сабырад бахъахъхъӕныны фӕдыл ӕмхӕццӕ тыхтӕ (СБӔТ) гуырдзиаг-хуссарирыстойнаг хъаугъайы зонӕмӕ баконд ӕрцыдысты 1992 азы 14 июлы ӕмӕ йӕ фӕстӕ 16 азы ссисты сабырады гарант суанг Гуырдзыстоны ӕххӕстмасштабон агрессийы онг Хуссар Ирыстоны ныхмӕ.

Хуссар Ирыстоны Фидауынгӕнӕджы бон нысан цæуы уæрæхæй, ацы датæ бахаст ӕрцыд бӕрӕгбӕттӕ ӕмӕ зӕрдылдарӕн бонты паддзахадон къӕлиндармӕ.

Сӕйраг темӕтӕ