Медойты Дмитрий йæхимæ райста Дагестаны минæвары республикæйы

© Sputnik / Алексей КовалевЗдание правительства обсуждение строительства Цхинвал
Здание правительства обсуждение строительства Цхинвал - Sputnik Хуссар Ирыстон
Рафыссын
Медойты Дмитрий æмæ Магомед Шамилов загътой сæ хъуыдытæ Хуссар Ирыстоны æмгуыстады актуалон фарстыты фæдыл Цæгат Кавказы республикæтимæ

ЦХИНВАЛ, 20 июн — Sputnik. Фæсарæйнаг хъуыддæгты министр Медойты Дмитрий æмæ Республикæ Дагестаны минæвар РХИ-ы Магомед Шамилов æруынаффæ кодтой дыууæварсон æмгуыстады фарстытыл, фехъусын кодтой дипломатон уагдоны пресс-службæйы.

Студенттæ - Sputnik Хуссар Ирыстон
ХИПУ-йы делегаци хайад исы фæсивæдон форумы Дагестаны

Дипломаттæ загътой сæ хъуыдытæ Хуссар Ирыстоны æмгуыстады актуалон фарстыты фæдыл Цæгат Кавказы республикæтимæ.

"Ныхасы рæстæджы ма дзырд цыд ирон-дагестайнаг традицион хæларадон ахастыты дарддæры размæцыдыл, уый нымæцы гуманитарон, культурон æмæ базарадон-экономикон бастдзинæдтæ райтынг кæныныл", — банысан кодтой ФХМ-ы.

Медойты Дмитрий æмæ Магомед Шамилов ма æруынаффæ кодтой зындгонд советон æмæ уæрæсейаг поэт, публицист æмæ æхсæнадон архайæг Расул Гамзатовæн Вокзалгæрон фæзуатыл цырт сæвæрыны фарстыл дæр.

Цхинвалы поэты 90 азы цытæн дур бавæрд æрцыд 2013 азы Вокзалгæрон фæзуатыл Расул Гамзатовы номыл скверы цытджын æрбайгомы рæстæджы.

Медойты Дмитрий сарæзта бæрзонд аргъ Магомед Шамиловы архайдæн Хуссар Ирыстон æмæ Дагестаны адæмты æхсæн ахастытæ фидар кæныны æмæ размæцыды хъуыддаджы.

Ног хабӕртты лентӕ
0