Цхинвайлаг хор "Лазурная волна – Сочи 2017"-ы райста дыууæ сыгъзæрины

© Культурӕйы министрады пресс-службӕХор
Хор - Sputnik Хуссар Ирыстон
Рафыссын
Дыккаг æхсæнадæмон чемпионат "Лазурная волна – Сочи 2017"-ы Ӕлборты Феликсы номыл Цхинвалы музыкалон ахуыргæнæндоны националон зарæджы хор райста фыццаг бынат, хоры æнтыст сфæлхатт кодта фæндырдзæгъдæг Къæбысты Сæрмæт дæр

ЦХИНВАЛ, 22 июн — Sputnik, Плиты Фатимӕ. Ӕлборты Феликсы номыл Цхинвалы музыкалон ахуыргæнæндоны националон зарæджы хор дыккаг æхсæнадæмон чемпионат "Лазурная волна — Сочи 2017"- ӕй ӕрхаста сыгъзæрин майдан. Афтӕ ма чемпионаты музыкалон инструменттыл цæгъдынæй фыццаг бынатимӕ ӕрыздӕхдзӕн фæндырдзæгъдæг Къæбысты Сæрмæт дӕр, фехъусын кодтой Sputnik культурæйы министрады пресс-службæйы.

Хор сæххæст кодта композитор Ӕлборты Феликсы уацмыстæ "Чызгайæн" æмæ "Ирон чындзæхæсæв", Къæбысты Сæрмæт та ацагъта кавказаг музыкæйы попурри.

"Лазурная волна — Сочи 2017"-ы Националон зарæджы хор райста фыццаг бынат æмæ йын лæвæрд æрцыд музыкалон чемпионаты лауреаты кадджын ном. Ахæм æнтыст ма бафтыд ахуыргæнӕндоны директоры хæдивæг Къæбысты Сæрмæты къухы дæр", — загътой уагдоны пресс-службæйы.

Чемпионаты архайыны фадат ис профессионалон зарæггæнджытæн, музыкалон ахуыргæнæндæтты студенттæн, оркестртæн, ансамбльтæн æмæ æндæр коллективтæн. Мадзалы уыд 6 номинацийы. Цхинвалы музыкалон ахуыргæнæндоны националон зарæджы хор бацæттæ кодтой чемпионатмæ сæрмагонд нывæзт.

© Культурӕйы министрады пресс-службӕХор
Хор - Sputnik Хуссар Ирыстон
1/2
Хор
© Культурӕйы министрады пресс-службӕХоры грамотӕ
Хоры грамотӕ - Sputnik Хуссар Ирыстон
2/2
Хоры грамотӕ
1/2
Хор
2/2
Хоры грамотӕ

Зарæггæнджытæ æмæ коллективтæн саргъ кодтой зынгæ композитортæ, оперон солисттæ, эстрадон аивады нымад дæснытæ.

Дыккаг æхсæнадæмон чемпионаты "Лазурная волна — Сочи 2017" уагъд цæуы18 — 23 июны.

Хуссарирыстойнаг коллектив чемпионатмæ ацыд президент Бибылты Анатолий æмæ культурæйы министрады финансон æххуысæй.

Ног хабӕртты лентӕ
0