05:13 20 РУХÆНЫ МÆЙ 2017
Комкоммӕ эфир
Радио Иры юбилей

Лæвар 85-азон юбилеймæ: "Ир FM"-æн æппæтреспубликон айтыгъд

© Sputnik / Фатима Плиева
Хуссар Ирыстоны
Чысыл дӕнцӕг
8010

Хуссар Иры рагондæр информацион фæрæз йæ бæрæгбонмæ æрхуыдта радиойы ветеранты, республикæйы хицæн рæстæджыты уæвæг радиоты кусджыты æмæ разамонджыты

ЦХИНВАЛ, 4 июл — Sputnik, Плиты Фатимӕ. Паддзахадон радио "Ир" банысан кодта йӕ бындурӕвӕрдыл 85 азы сӕххӕсты бон юбилейон изæрæй. Фыццаг хатт радио Ирыстоны айзӕлыд 1932 азы. Уæдæй нырмæ рацыд æндæр æмæ æндæр этаптыл, уыд ын популярон рæстæджытæ, нымад цыд иууыл оперативондæр дзыллон информацион фæрæзыл, нымадтой йæ Ирыстоны интеллигенцийы куырдадзыл.

Хуссар Иры рагондæр информацион фæрæз йæ бæрæгбонмæ æрхуыдта радиойы ветеранты, республикæйы хицæн рæстæджыты уæвæг радиоты кусджыты æмæ разамонджыты. Мадзал арӕзт ӕрцыд радиойы куысты графикы хуызы — фыццаг уал уазджыты размӕ рахызтысты райсомы эфиры уадзджытӕ, стӕй сихоры ӕмӕ изӕры эфирты, афтӕ ма музыкалон алӕвӕрдты амонджытӕ.

День рождения радио Южной Осетии
Фатима Плиева
День рождения радио Южной Осетии

Бæрæгбонон изæр нæ рацыд æнæ техникон згъуыдтытæй, æрæмбырдуæвджытæн нæ бантыст байхъусын радиойы раздӕры легандарон дикторты хъæлæстæм. Ныры дуджы техникæйы ахадындзинад хынцгæйæ, президент Бибылты Анатолий коллективæн арфæты фæстæ баныфсæвæрдта пайда æмæ хъæугæ лæвар скæнын радиойӕн.

"Хъæуты хъомыл кодтон. Сыстын афон кæй у, уый иу бамбæрстам, райсом иу радио "Иры" куы айзæлыд Советон цæдисы гимн. Радиойы куыст алыхатт дæр уыд ахсджиаг. Хъуамæ алкæцы хæдзары дæр уаид радио, фæлæ уал фæндагыл немæ кæй стут, уый дæр хорз æнтыст у. Ахæм рæсугъд мадзалмæ лæваримæ цæугæйæ у. Фӕлӕ мæн фæнды æнæпайда лæвæртты бæсты, радиойæн йӕ куысты цы феххуыс уа, ахæм лæггад бакӕнын", — загъта президент.

Коллектив иууыл стырдæр хорзæхыл банымадта радио республикæйы æппæт къуымты айзæлын кæныны хъуыддаг, уымӕн ӕмӕ ныртӕккӕ радиойы фидиуӕн ӕххӕссы ӕрмӕстдӕр Цхинвал æмæ горæтгæрон хъæутыл.

  • Радио Иры юбилей
    Радио Иры юбилей
    © Sputnik / Фатима Плиева
  • Радио Иры юбилей
    Радио Иры юбилей
    © Sputnik / Фатима Плиева
  • Радио Иры юбилей
    Радио Иры юбилей
    © Sputnik / Фатима Плиева
1 / 3
© Sputnik / Фатима Плиева
Радио Иры юбилей

"Мах фæнды президенты фæрцы лæвар саразын Ирыстоны адæмæн, цæмæй радио сыхъуыса республикӕйы æппæт къуымты дӕр —Къуаисайæ Ленингормæ", — загъта радиойы директор Цхуырбаты Алан.

Радиойы "Ир"-ы юбилеймæ ма æрхуыдтой, эфиры цы ирон зарджытæ зæлы, уыдонæн сæ популярондæрты æххæстгæнджыты.

Бӕрӕгбонон мадзалы айзæлдысты зындгонд курдиатджын зарæггæнджытæ Харебаты Вадим, Гуыцмæзты Георгий, Куыдзеты Игорь, Тасойты Игоры зарджытæ. Сæ арæхстдзинад равдыстой радио "Ир"-ы сфæлдыстадон проект "Стъалыты ферттывды" хицæн сезонты уæлахиздзаутæ дӕр.

Сӕйраг темӕтӕ