ЦХИНВАЛ, 5 июл — Sputnik. Хуссар Ирыстоны президент Бибылты Анатолий снысан кодта мыхуыр æмæ информацийы паддзахадон комитеты сæргълæууæгæй Хъотайты Марияйы, фехъусын кодта республикæйы сæргълæууæджы пресс-службæ.
Уыцы указæй ма президент ссæрибар кодта ведомствæйы сæргълæууæджы хæстæ æххæстгæнæг Харебаты Маяйы.
Биографион справкæ
Хъотайты Мария Феликсы чызг райгуырд 1986 азы 28 октябры горæт Цхинвалы.
Каст фæцис Тыбылты Алыксандры номыл Хуссар Ирыстоны паддзахадон университет (фæсарæйнаг æвзæгты æмæ фæсарæйнаг культурæйы факультет). Афтæ ма йын ис дыууæ уæлдæр ахуырад — юридикон æмæ экономикон.
Куыста паддзахадон информацион агентад "Рес"-ы.
Комитеты сæргълæууæгæй снысан кæныны онг куыста уацхæссæгæй информацион агентад æмæ радион Sputnik Хуссар Ирыстоны.
Ис ын бинонтæ, дыууæ сывæллоны.
