17:30 23 ДЖЕОРГУЫБАЙЫ МÆЙ
 2017
Комкоммӕ эфир
РХИ президент Абхазы

Бибылты Анатолий сæвæрдта дидинтæ мемориалмæ Сухумы Кады парчы

© Sputnik / Илона Хварцкия
Хуссар Ирыстоны
Чысыл дӕнцӕг
17 0 0

Хуссар Ирыстоны президент Бибылты Анатолий æрцыд Абхазмæ фыццаг официалон визитимæ

ЦХИНВАЛ, 7 июл — Sputnik. Хуссар Ирыстоны президент Бибылты Анатолий æрцыд фыццаг официалон визитимæ Абхазмæ. Сухумы уый сæвæрдта дидинтæ мемориалмæ Кады парчы, хъусын кæны Sputnik Абхаз.

Хуссарирыстойнаг делегацийы сконды ма сты фæсарæйнаг хъуыддæгты министр Медойты Дмитрий, культурæйы министр Зассеты Жанна, генералон прокурор Дзæгъиаты Уырызмæг, ПӔК-ы сæргълæууæг Виктор Шаргаев, æхсæнадон палатæйы сæргълæууæг Джиджойты Анатолий, Хуссар Ирыстоны æххæстбарджын минæвар Абхазы Боциты Олег.

Уазджытыл сæмбæлдысты Абхазы вице-президент Виталий Габния, республикæйы æддагполитикон уагдоны сæргълæууæг Даур Кове, культурæйы æмæ историкон-культурон бынтæ хъахъхъæныны министр Эльвира Арсалия, Абхазы æххæстбарджын минæвар Хуссар Ирыстоны Елбачиты Алан.

Хуссар Ирыстоны делегацийыл сæмбæлдысты Уæрæсеимææ паддзахадон арæныл. Сæ фæндаг ракодтой Гагрæйы уылты, цы ран уазджытæ сæвæрдтой дидинтæ бархионты мемориалмæ, кæцытæ фæмард сты 1992-1993 азты Абхазы адæмы Фыдыбæстæйон хæсты.

Виталий Габния встретил делегацию Южной Осетии на границе
© Фото: http://presidentofabkhazia.org
Хуссар Ирыстоны делегацийыл сæмбæлдысты Уæрæсеимææ паддзахадон арæныл

Уый фæстæ та дидинтæ сæвæрдтой Абхазы фыццаг президент Владислав Ардзинбайы мемориалмæ хъæу Дæллаг Эшерайы.

Боны дыккаг æмбисы уыдзæн фембæлд Хуссар Ирыстоны президент Бибылты Анатолий æмæ Абхазы президент Рауль Хаджимбайæн. Бæстæты сæргълæуджытæ ауадздзысты бадзырдтæ, цы ран æруынаффæ кæндзысты æмгуыстады уавæр æмæ перспективæтыл, афтæ ма дыууæварсон ахастыты дарддæры райрæзты фарстытыл, бафыст æрцæудзысты дыууæварсон документтæ.

Сӕйраг темӕтӕ