04:39 24 ДЖЕОРГУЫБАЙЫ МÆЙ
 2017
Комкоммӕ эфир
1 сентябрь Цхинвалы

Хуссар Иры скъолатӕм ацы аз бацӕудзӕн 798 фыццагкъласоны

© Sputnik / Алексей Ковалев
Хуссар Ирыстоны
Чысыл дӕнцӕг
15 0 0

Хъӕуты скъолатӕй кӕцыдӕрты ацы аз нӕ уыдзӕн фыццӕгӕм кълӕстӕ, сывӕллӕттӕ дзы кӕй нӕй, уый аххосӕй

ЦХИНВАЛ, 10 июл — Sputnik. Ног ахуыры азы Хуссар Ирыстоны скъолатӕм ӕрбацӕудзӕн 798 фыццагкъласоны, фехъусын кодта хицауады ӕмбырды ахуырады министры хӕдивӕг Гаглойты Элисо.

"Горӕттаг скъолатӕм, ӕнӕпаддзахадонтимӕ иумӕ, бацӕудзӕн 638 сывӕллоны. Знауыры районы нӕм ис 37 фыццагкъласоны, Дзауы районы — 60, Цхинвалы раййоны та ӕрӕмбырд 28 сывӕллоны. Ленингоры районы та фыццаг хатт скъолайы къӕсӕрӕй бахиздзӕн 35 сабийы", — ранымадта министры хӕдивӕг.

Фарон, йӕ ныхӕстӕм гӕсгӕ, фыццагкъласонты нымӕц республикӕйы уыд 703.

Гаглойты Элисо ма бафтыдта, хъӕуты скъолатӕй кӕцыдӕрты ацы аз кӕй нӕ уыдзӕн фыццӕгӕм кълӕстӕ, сывӕллӕттӕ дзы кӕй нӕй, уый аххосӕй.

"Фыццӕгӕм кълас нӕ уыдзӕн Арцеу, Бихъар, Дампалет ӕмӕ ӕндӕр хъӕууон скъолаты. Ацы хъӕуты нӕй сывӕллӕттӕ ахӕм кары", — загъта уый.

Сӕйраг темӕтӕ