Завод "Растдон" Хуссар Ирыстоны рауагъта "Нæртон"-ы фыццаг парти

© Sputnik / Наталья АйриянОткрытие завода "Растдон"
Открытие завода Растдон - Sputnik Хуссар Ирыстон
Рафыссын
Заводæн технологон скуыст уыд ацы аз уалдзæджы

ЦХИНВАЛ, 11 июл — Sputnik, Босыкты Наталья. Фыдызгъæлы завод "Растдон"-ы скуыстæн уыд бæлвырдгæнæг роль Хуссар Ирыстоны экономикæйы, загъта президент Бибылты Анатолий куыстуаты æрбайгомы рæстæджы.

Фыдызгъæлы завод "Растдон" рауагъта йæ продукцийы фыццаг парти маркæ "Нæртон"-ы дæлбар. Технологон скуыст заводæн уыд ацы аз уалдзæджы.

© Sputnik / Наталья АйриянЗавод "Растдон" Хуссар Ирыстоны
Открытие завода Растдон - Sputnik Хуссар Ирыстон
Завод "Растдон" Хуссар Ирыстоны

Кондадон цех, йæ ифтонгад, афтæ ма продукцийы ассортимент фенынмæ æрбацыд Хуссар Ирыстоны президент Бибылты Анатолий дæр.

"Заводы æрбайгом бæлвырд кæны Хуссар Ирыстоны экономикæйы райрæзты фыццаг къахдзæфтæ, куыстуаты къухдариуæгады раз æвæрд хæслæвæрдтæ æмæ нысæнттæ та сты ахсджиаг. Ацы куыстуаты æрбайгомыл куыстой бирæ адæм. Бузныг дæн Уанеты Вадимæн æмæ ма ацы куыстыл хæст чи уыд, уыдонæн. Нæ дызæрдыг кæнын, нывæзттæ иууылдæр кæй ссардзысты сæ реализаци. Ныфс мæ ис, "Растдоны" продукци кæй уыдзæн ерысхъом Уæрæсейы базарады", — загъта президент.

Кондады сæргълæууæг, егъау уæрæсейаг агрохолдинг "Евродон"-ы генералон директор Уанеты Вадим æрбайгомы рæстæджы банысан кодта, фыццаг этапыл кæй нывæндынц уадзын продукцийы 17 хуызы бынæттон базарадæн, уый фæстæ та "Нæртон" ласын уæрæсейаг горæттæм.

"Райсом мах райдайдзыстæм ласын нæ продукт бынæттон базарадон объекттæм. Фыццаг этапыл уадздзыстæм 17 хуызы продукци, уыимæ иумæ агурдзыстæм компромисс аргъы, цæмæй уый уа пайдаджын республикæйы цæрджытæн. Рæстæджы цыдимæ, нæ продукци ссардзæн фæлхасгæнæджы уæрæсейаг базарады дæр. Ӕз дæн бузныг Хуссар Ирыстоны къухдариуæгадæн æххуысы тыххæй. Хонæм уæ нæ куыстуаты продукцийы ад фенынмæ, изæры æхсæз сахатмæ Ногдзауты паркмæ дегустацимæ", — банысан кодта амалиуæггæнæг.

© Sputnik / Наталья Айриян"Растдон"-ы продукци
Открытие завода Растдон - Sputnik Хуссар Ирыстон
"Растдон"-ы продукци

Уый ауагъта уазджытæн экскурси заводыл. Сæйраг технолог Евгения Хлопкова радзырдта куыстуаты уникалондзинадыл, банысан кодта, йæ технологитæ фадат кæй дæттынц иу продукты деликатесон æмæ пайдаджын фыдызгъæл баиу кæнын.

"Продукцийы уникалондзинад ис уый мидæг æмæ сырх деликатесон стурыфыд, гогызыфыд хъазыфыдимæ нæ дæттынц фадат холестерин æмбырд кæнынæн. Уый у уникалон пайдаджын æмæ натуралон хæринаг", — радзырдта Хлопкова.

Технолог банысан кодта, абоны бон заводы кæй кусынц 37 адæймаджы бынæттон цæрджытæй, кæцытæ рацыдысты стажировкæ "Евродоны".

Проекты реализацийыл бахардз 156 милуаны онг кредитон фæрæзтæ.

Ног хабӕртты лентӕ
0