УУМ-ы кусджытæн фиддзысты пенси аннæ тыхон структурæты æмрæнхъ

© Sputnik / Рамиль Ситдиков /  Ахизын медиабанкмæДенежные купюры России
Денежные купюры России - Sputnik Хуссар Ирыстон
Рафыссын
Тыхон структурæты кусджыты пенсион ифтонгады фæдыл законы проект парламентмæ лæвæрд æрцæудзæн фæззæджы

ЦХИНВАЛ, 20 июл — Sputnik, Босыкты Наталья. Хуссар Ирыстоны кусынц тыхон структурæты кусджыты пенсион ифтонгады фæдыл законы проектыл, фехъусын кодта журналисттæн РХИ уæлвæткон уавæрты министр Тадтаты Алан.

"Паддзахады сæргълæууæг Бибылты Анатолийы хæслæвæрдмæ гæсгæ, æппæт уагдæттæй æрæмбырдгонд зонæнтæ мах адæттам президенты администрацимæ. Фыццæгæм сентябры, куыддæр парламентаритæ раздæхой сæ улæфтæй, бацæттæгонд законы проект лæвæрд æрцæудзæн парламенты æркастмæ", — загъта министр.

Алан Тадтаев - Sputnik Хуссар Ирыстон
УУМ-ы сæргълæууæг: инспектортæ сгарынц ахуырадон æмæ скъолаагъоммæ уагдæттæ

Уымæй дарддæр ма, УУМ-ы сæргълæууæг бахæс кодта йæ кусджытæн сгуыхт æмæ кадджын кусæджы ном раттыны фæдыл законы проект бацæттæ кæнын.

"Мæ хъуыдымæ гæсгæ, УУМ-ы хъуамæ уа сгуыхт æмæ кадджын кусæджы ном, аннæ структурæтæй уæлдай, махмæ уый никуы уыд. Махмæ ис ахæм кусджытæ, кæцытæн сæ кусæгон стаж у 30 азы — уыдонæн хъуамæ лæвæрд æрцæуа ахæм ном", — банысан кодта Тадтаты Алан.

УУМ-ы сæргълæууæг ма бафтыдта, бæстæйы къухдариуæгады фæрцы, министрадæн кæй бантыст Уæрæсейы чи ахуыр кæны, уыцы хуссарирыстойнаг курсантты стипендиимæ проблемæ аскъуыддзаг кæнын. Ахуыры азы райдианимæ курсанттæн уыдзæн фадат стипенди исын.

Ног хабӕртты лентӕ
0