03:37 23 МАЙРÆМТЫ МÆЙ 2017
Комкоммӕ эфир
Бибылты Анатолий 100 боны

Бибылты Анатолий: "Раздах æхцатæ æмæ цæр сабырæй"

© Sputnik / Наталья Айриян
Хуссар Ирыстоны
Чысыл дӕнцӕг
17 0 0

Бибылты Анатолий банысан кодта, се 'ххæстбарты сæрты цы чиновниктæ ахызтысты, уыдон кæй хъуамæ раздахой паддзахадон æхцатæ

ЦХИНВАЛ, 28 июл — Sputnik. Хуссар Ирыстоны чиновниктæ, кæцытæ ахызтысты се 'ххæстбарты сæрты, хъуамæ раздахой паддзахадон фæрæзтæ æмæ дарддæр "цæрой сабырæй", фехъусын кодта президент Бибылты Анатолий пресс-конференцийы рæстæджы Цхинвалы, кæцы уыд нывонд президентадыл 100 боны сæххæстæн.

Ацы аз уалдзæджы Хуссар Ирыстоны ПӔК æрцахста хъæууон хæдзарады раздæры министр Плиты Виталийы фæлывддзинадмæ зæрдæ ахсайыны фæдыл. Ацы статьяйы фæдыл ма æрцахстой куыстуат "Югосетнефтепродукты" гендиректоры.

"Хъæууон хæдзарады экс-министримæ ис бадзырд æмæ уый раздахдзæн æхцатæ. Мæ позици у ахæм — раздах æхцатæ æмæ цæр сабырæй", — загъта президент.

Карздæрæй Бибылты Анатолий æрдзырдта цхинвайлаг æртаггæнæн станцы директоры ныхмæ. Уый, президенты ныхæстæм гæсгæ, уæй кодта Цæгат Ирыстоны "Роснефтьы" гъæдджын æртаг, кæцыйы нысанæвæрд уыд Хуссар Ирыстонмæ æрбаласт. Афтæмæй та республикæмæ ластой фауццаг æртаг æмæ йæ уæй кодтой фæзынаргъдæргондæй.

"Уый у тынг уазалзæрдæ ахаст йе ′мзæххонтæм", — загъта Бибылты Анатолий.

Уый бафтыдта, чиновниктæм кæй ис бирæ фарстытæ æмæ барадхъахъхъæнæн органтæ кæй уадзынц басгæрсттæ.

Сӕйраг темӕтӕ