12:18 13 ЦЫППУРСЫ МÆЙ 2017
Комкоммӕ эфир
Цхинвал

Цхинвалы ног мэр расидт ног конкурс горæтмæ бахизæны хуыздæр эскизы фæдыл

Facebook
Хуссар Ирыстоны
Чысыл дӕнцӕг
19 0 0

Аналогон конкурс ма расидт æрцыд фарон дæр, уæд сæ куыстытæ æрбавдыстой 25 нывгæнæджы Цæгат æмæ Хуссар Ирыстонæй

ЦХИНВАЛ, 28 июл — Sputnik, Козаты Диана. Горæты хицæуттæ расидтысты ног конкурс Транскамы æрдыгæй Цхинвалмæ сæйраг бацæуæны хуыздæр эскизы фæдыл, фехъусын кодтой Sputnik мэрияйы пресс-службæйы.

Аналогон конкурс ма расидт æрцыд фарон дæр, уæд сæ куыстытæ æрбавдыстой 25 нывгæнæджы Цæгат æмæ Хуссар Ирыстонæй. Хуыздæр куыстытæ хъуамæ равзæрстаид мэрияйы цур горæтарæзтадон совет.

"Столицæйы ног мэр Коцты Алан нæ дызæрдыг кæны, горæты бакаст, фыццаджыдæр, кæй хъуамæ цæуа цæрджыты зæрдæмæ. Уый нымайы, горæтарæзтадон совет иунæгæй кæй ма хъуамæ скъуыддзаг кæна столицæйы æддаг бакаст. Уымæ гæсгæ, горæт Цхинвалы сæйраг бацæуæн цыхуызæн хъуамæ уа, уый хъуамæ скъуыддзаг кæна алы цхинвайлаг дæр", — загъта мэрияйы пресс-секретарь Коцты Зæринæ.

Кæй фæнды конкурсы хайад райсын, уый хъуамæ дыууæ мæйы æмгъуыдмæ æрбавдиса йæ куыстытæ. Уыимæ иумæ, приоритет лæвæрд цæудзæн националон колоритимæ проекттæн.

Конкурсмæ мэрия нывæнды æрбангом кæнын фæсивæдон организацитæ æмæ алыгъуызон ведомствæтæ, саразын равдыст æмæ хъæлæскæнынад, цæмæй фидæны среализаци кæна, цхинвайлæгты зæрдæмæ цы проект фæцыд тынгдæр, уый.

Хуыздæр проекты авторæн мэрия ногæй дзырд дæтты преми раттын.

Сӕйраг темӕтӕ