21:57 19 РУХÆНЫ МÆЙ 2017
Комкоммӕ эфир
Кокойты Геннадий

Хуссар Иры экономикӕйы министр хайад райсдзӕн Луганскы форумы

© Sputnik / Наталья Айриян
Хуссар Ирыстоны
Чысыл дӕнцӕг
5 0 0

Хуссар Ирыстоны номӕй форумы архайдзысты экономикӕйы министр Кокойты Геннадий ӕмӕ йӕ хӕдивӕг Козаты Роин

ЦХИНВАЛ, 31 авг —Sputnik. Хуссар Ирыстоны экономикон райрӕзты министрады делегаци ацӕудзӕн Луганскы адӕмон республикӕмӕ, цы ран 1 сентябры уаргъд цӕудзӕн II экономикон форум, хъусын кӕны президент ӕмӕ хицауады пресс-службӕ.

Делегацийы сконды уыдзысты уагдоны хистӕр Кокойты Геннадий ӕмӕ йӕ хӕдивӕг Козаты Роин.

"Хуссар Иры минӕвӕртты хайадистӕй форум суыдзӕн радон къахдзӕф республикӕты ӕхсӕн экономикон бастдзинӕдтӕ сфидар кӕныны хъуыддаджы. Нӕ нысан у базарадон-экономикон ахастыты ӕмӕ социалон бастдзинӕдты райрӕзт", — хъусын кӕны пресс-службӕ министры ныхӕстӕ.

Кокойты Геннадий ма банысан кодта, адӕмон хӕдзарады сгуыхтдзинӕдты равдыст ауадзын ЛАР-ы "дзурӕг кӕй у сӕ адӕмы ӕнӕсӕтгӕ удыхъӕдыл, кӕцытӕ хотыхджын конфликты уӕззау уавӕртӕм ӕнæкӕсгӕй фӕллой кӕнынц".

Сӕйраг темӕтӕ