Уæрæсейаг министр фыццаг хатт фембæдзæн Хуссар Ирыстоны президентимæ

© Sputnik / Григорий Сысоев /  Ахизын медиабанкмæЦæгат Кавказы хъуыддæгты фæдыл министр Лев Кузнецов
Цæгат Кавказы хъуыддæгты фæдыл министр Лев Кузнецов - Sputnik Хуссар Ирыстон
Рафыссын
Цæгат Кавказы хъуыддæгты фæдыл министр Лев Кузнецов бабæрæг кæндзæн Хуссар Ирыстоны арæзтадон фæзуæттæ æмæ фыццаг хатт фембæдзæн президент Бибылты Анатолиимæ

ЦХИНВАЛ, 18 сен — Sputnik. Цæгат Кавказы хъуыддæгты фæдыл Уæрæсейы Федерацийы министр Лев Кузнецов Бибылты Анатолийы президентады рæстæджы фыццаг хатт фæуазæг уыдзæн Хуссар Ирыстонмæ. Уæрæсейаг чиновник æрцæудзæн Цхинвалмæ дыццæджы дыууæбонон кусæгон визитимæ, загътой хицауады пресс-службæйы.

Президент РЮО Леонид Тибилов и помощник президента РФ осматривают здание театра - Sputnik Хуссар Ирыстон
Владислав Сурковӕн Цхинвалы равдыстой сывӕллӕтты рынчындон ӕмӕ драмтеатр

Арæзтадон объекттыл инспекцион балцтæй дарддæр ма Кузнецов райсдзæн хайад республикæйы расидтыл 27 азы сæххæсты цытæн нывонд бæрæгбонон мадзæлтты.

"Лев Кузнецов фендзæн рæуджыты низты ныхмæ диспансеры арæзтад, базонгæ уыдзæн Республикон рынчындоны операцион-хирургион корпусы бæстыхæйттæ æмæ университетон комплексы арæзтæдтимæ. Уый ма нывæнды фенын, куыд кусы Цхинвалы сывæллæтты республикон рынчындон медицинон реабилитацион центримæ", — загътой пресс-службæйы.

Балцыты фæстиуджытæм гæсгæ, уагъд æрцæудзæн фембæлд президент Бибылты Анатолиимæ, афтæ ма рабадт хуссарирыстойнаг-уæрæсейаг соцэкономæмгуыстады фæдыл Ӕхсæнхицауадон къамисы радон æмбырд ауадзыны фарстыты фæдыл.

Ног хабӕртты лентӕ
0