Хуссарирыстойнаг æмæ уæрæсейаг æфсæддонтæ маршæй рацыдысты Цхинвалы центры

© Sputnik / Наталья АйриянРепетиция парада
Репетиция парада - Sputnik Хуссар Ирыстон
Рафыссын
Парады генералон репетицийы хайад истой 800 æфсæддон службæгæнæджы æмæ 35 иуæджы æфсæддон техникæ

ЦХИНВАЛ, 18 сен — Sputnik, Годжысаты Анна. Республикæ Хуссар Ирыстон расидыныл 27 азы сæххæсты цытæн æфсæддон парады генералон репетици уагъд æрцыд къуырисæры Цхинвалы централон фæзуатыл.

Республикӕйы бон - Sputnik Хуссар Ирыстон
Хуссар Ир 27-ӕм хатт банысан кӕндзӕн Республикӕйы бон

Цытджын мадзалы репетици райста Хуссар Ирыстоны хъахъхъæнынады министры хæстæ æххæстгæнæг, инæлар-лейтенант Гассеты Ибрагим. Парадон дæлхайæдты маршæн командæ дæтта республикæйы гарзджын тыхты генералон штабы сæргълæууæг, булкъон Виктор Федоров. Репетицийы ма хайад райста æфсæддон техникæ.

Парад уагъд æрцæудзæн 20 сентябры Цхинвалы театралон фæзуатыл. Хайад дзы райсдзысты РХИ хъахъхъӕнынады министрады дӕлхайӕдтӕ, Кадетон скъолайы курсанттæ, МХМ, ПӔК-ы арӕнгӕрон службӕйы, УУМ, Хуссар Ирыстоны уӕвӕг Уӕрӕсейы ӔФС-йы Арӕнгӕрон управленийы, УФ хъахъхъӕнынады министрады 4-ӕм ӕфсӕддон базӕйы дӕлхайадтӕ.

Ӕдæппæт маршы хайад райсдзысты 800 æфсæддон службæгæнæджы æмæ 35 иуæджы æфсæддон техникæ

Ног хабӕртты лентӕ
0