05:31 14 ЦЫППУРСЫ МÆЙ 2017
Комкоммӕ эфир
Ирон бӕгӕныйы фестиваль Знауыры

Знауыры ацыд фестиваль "Ирон бæгæны – 2017"

© Sputnik / Наталья Айриян
Хуссар Ирыстоны
Чысыл дӕнцӕг
17 0 0

Конкурсы хайадисджытæ æрбавдыстой рагон ирон рецепттæм арæзт 14 хуызы бæгæны

ЦХИНВАЛ, 27 сен — Sputnik. Ирон бæгæныйы IV æхсæнадæмон фестиваль "Ирон бæгæны – 2017" ацыд Хуссар Ирыстоны. Конкурсы райстой хайад бæгæныхсидджытæ Цхинвалы, Дзауы, Знауыры æмæ Ленингоры районтæй. Рагон ирон рецепттæм арæзт бæгæныйæ дарддæр ма конкурсы хайадисджытæ уазджыты размæ рахастой ирон уæлибыхтæ æмæ националон къæбицы æндæр хæринæгтæ. Мадзалмæ æрбамбырд сты сфæлдыстадон коллективтæ, кæцытæ барухс кодтой уазджыты зæрдæтæ адæмон кафтытæ æмæ зарджытæй.

"Ӕз мæхæдæг бахсыстон хæдзарон бæгæны рагон технологитæм гæсгæ, кæцытæ мын раргом кодта ме ′фсин. Ӕрфæндыд мæ уымæй ацаходын ме ′мзæххонты æмæ уымæ гæсгæ аскъуыддзаг кодтон райсын хайад конкурсы. Уымæй дарддæр ма мах æрцæттæ кодтам ирон уæлибыхтæ, цæхджынтæ æмæ нартхоры кæрдзынтæ. Немæ ис сфæлдыстадон къорд дæр – æххæст кæндзыстæм алкæмæн дæр уарзон ирон зарджытæ", — радзырдта хайадисæг Дзауы районæй.

Територрийыл лæууыдысты фынгтæ, кæцытæ уыдысты арæзт æппæт ирон традицитæм гæсгæ. Уазджытæн уыд фадат æрмæст бæгæны анызын нæ, фæлæ ма ирон къæбицы хæринæгтæй ацаходын. Знауыры сфæлдыстады хæдзар равдыста сывæллæтты конд нывтæ æмæ бисерæй арæзт дзауматæ. Фестивалы амонæг Карсанты Гурам хъусын кодта кафджытæ æмæ зарæггæнджыты нæмттæ, кæцытæ сæ аивадæй разæнгард кодтой хайадисджыты.

© Sputnik . Руслан Тадтаев
Ирон бӕгӕныйы фестиваль Знауыры

Хуссар Ирыстоны премьер-министр Пухаты Эрик дæр ацаходыдта бæгæны æмæ алы хайадисæгæн дæр йæ цæст бауарзта æнтыстытæ.

Цалынмæ сылгоймæгтæ дзырдтой ирон бæгæны æмæ националон къæбицы хæринæгтæ аразыны сусæгдзинæдтыл, уæдмæ нæлгоймæгтæ та сæ тыхтæ æвзæрстой спортивон ерысты æмæ хъæзтыты.

Конкурсы кæрон жюри сарæзта хатдзæгтæ æмæ сбæлвырд кодта уæлахиздзауты. Компани "Бавария"-йы коммерцион директор загъта бузныг конкурсы хайадисджытæн æмæ сын бакодта зæрдылдарæн лæвæрттæ. Финалмæ рахызтысты хайадисджытæ Знауыры районæй. Ӕртыккаг бынат райста Кокойты Лейла, дыккаг бынат – Джиоты Валентина. Фыццаг бынат бацахсæг – Цхуырбаты Аза та райсдзæн хайад фестивалы финалон этапы Дзæуджыхъæуы.

  • Ирон бӕгӕныйы фестиваль Знауыры
    Ирон бӕгӕныйы фестиваль Знауыры
    © Sputnik / Наталья Айриян
  • Ирон бӕгӕныйы фестиваль Знауыры
    Ирон бӕгӕныйы фестиваль Знауыры
    © Sputnik / Наталья Айриян
  • Ирон бӕгӕныйы фестиваль Знауыры
    Ирон бӕгӕныйы фестиваль Знауыры
    © Sputnik / Наталья Айриян
  • Ирон бӕгӕныйы фестиваль Знауыры
    Ирон бӕгӕныйы фестиваль Знауыры
    © Sputnik / Наталья Айриян
  • Ирон бӕгӕныйы фестиваль Знауыры
    Ирон бӕгӕныйы фестиваль Знауыры
    © Sputnik / Наталья Айриян
  • Ирон бӕгӕныйы фестиваль Знауыры
    Ирон бӕгӕныйы фестиваль Знауыры
    © Sputnik / Наталья Айриян
  • Ирон бӕгӕныйы фестиваль Знауыры
    Ирон бӕгӕныйы фестиваль Знауыры
    © Sputnik / Наталья Айриян
1 / 7
© Sputnik / Наталья Айриян
Ирон бӕгӕныйы фестиваль Знауыры

Мадзалы уазæг ма ссис культурæйы министр Зассеты Жанна, кæцы раарфæ кодта æрæмбырдуæвджытæ æмæ фестивалы организатортæн ахæм бæрæгбоны тыххæй.

Ӕхсæнадæмон фестиваль "Ирон бæгæны"-йы хайад исынц Цæгат æмæ Хуссар Ирыстоны, Нальчик, Самара, Мæскуы, Абхаз, Франц æмæ Турчы минæвæрттæ. Фестивалы генералон спонсор у компани "Бавария", афтæ Цæгат Ирыстоны культурæйы министрад, Хуссар Ирыстоны культурæйы министрад, этнотуризм æмæ традицион культурæйы центр "Фарн".

Конкурсы финалон этап ацæудзæн Дзæуджыхъæуы, Цæгат Ирыстоны Тæбæхсауты Балойы номыл паддзахадон академион театры 2017 азы 19 октябры.

Сӕйраг темӕтӕ