05:18 24 КÆФТЫ МÆЙ
 2017
Комкоммӕ эфир
Олег Говоруны балц Цхинвалмæ

Говорун бабæрæг кодта, куыд цæуы арæзтад Хуссар Ирыстоны

© Sputnik / Наталья Айриян
Хуссар Ирыстоны
Чысыл дӕнцӕг
12 0 0

Уæрæсейаг чиновник бацыд инспекциимæ инвестпрограммæйы объекттæм Хуссар Ирыстоны

ЦХИНВАЛ, 4 окт — Sputnik. Уæрæсейы президенты управленийы сæргълæууæг ХПӔ-ы бæстæтæ, Хуссар Ирыстон æмæ Абхазимææ соцэкономæмгуыстады фæдыл  Олег Говорун йæ радон балцы рæстæджы Хуссар Ирыстонмæ басгæрста, инвестпрограммæ куыд цæуы реализаци.

Бибылты Анатолийы æмбырд хицауады уæнгтимæ æмæ арæзтадон организациты минæвæрттимæ
© Пресс-служба президента РЮО.

Уæрæсейаг чиновник æрцыд Цхинвалмæ дыццæджы дыууæбонон кусæгон визитимæ. Арæзтады объекттæм инспекцион балцæй дарддæр ма Говорун фембæлд президент Бибылты Анатолиимæ. Йæ хайадистимæ ма ацæудзысты кусæгон фембæлдтæ нардуатисджытæ æмæ инвестортимæ.

Хуссар Ирыстоны премьер-министр Пухаты Эрикимæ Говорун фæуазæг фыдызгъæлы завол "Растдон"-мæ, кæцы ацы аз июлы рауагъта фыццаг продукци маркæ "Нæртон"-ы дæлбар. Уазджытæ ацаходыдтой продукцийæ æмæ баззадысты райгондæй йæ ад æмæ гъæдæй.

Балцы хайадисджытæ ма федтой, куыд цæуы УРД-ы аргъуаны арæзтад Цхинвалы. Бæстыхай мидæгæй лæмбынæгæй фенгæйæ, Говорун загъта:"Алцыдæр у хорз".

Инспекцион балцы радон пункт ссисты Хъайтарты æмæ Октябры уынгтыл бирæфатерон хæдзæрттæ. Говорун байхъуыста нардуатисджытæм, кæцытæ радзырдтой арæзтад æмæ куыстытæ балхынцъ кæныны æмгъуыды тыххæй.

"Ӕхсæз подъезды цæуынц фæлындæн куыстытæ. Уыдонæн фехæлдысты се 'мгъуыдтæ конструкциты фауццаг монтажы аххосæй, фæлæ мах фæтагъддæр кæндзыстæм темптæ. Финансон хъуагдзинад ма æййафæм хъармгæнæн бæруаттæ балхæныны хъуыддаджы, кæцытæн хъæуы æхсæз милуан сомы бæрц", — радзырдта фирмæ СТМ-Югы сæргълæууæг Коцты Олег.

Олег Говорун ныфс бавæрдта, ацы фарстытæ лыг кæй æрцæудзысты мæйы кæронмæ.

"Бафæразут ма, мах аскъуыддзаг кæндзыстæм проблемæ октябры кæронмæ", — загъта уый.

  • Олег Говоруны балц Цхинвалмæ
    Олег Говоруны балц Цхинвалмæ
    © Sputnik / Наталья Айриян
  • Олег Говоруны балц Цхинвалмæ
    Олег Говоруны балц Цхинвалмæ
    © Sputnik / Наталья Айриян
  • Олег Говоруны балц Цхинвалмæ
    Олег Говоруны балц Цхинвалмæ
    © Sputnik / Наталья Айриян
  • Олег Говоруны балц Цхинвалмæ
    Олег Говоруны балц Цхинвалмæ
    © Sputnik / Наталья Айриян
  • Олег Говоруны балц Цхинвалмæ
    Олег Говоруны балц Цхинвалмæ
    © Пресс-служба президента РЮО.
1 / 5
© Sputnik / Наталья Айриян
Олег Говоруны балц Цхинвалмæ

Кæронмæ фæхæццæ кæны Октябры уынджы кæрон дыууæ бирæфатерон хæдзæртты реконструкци. Нардуатисджытæ куыд дзурынц, афтæмæй куыстытæ балхынцъ уыдзысты ноябры.

Инспекцион балцы хайадисджытæ ма æрзалдысты Сомихæгты æмæ Гуыбаты æфсымæрты уынгыл, кæцытæ ныртæккæ цæуынц хæрзарæзт. Басгæрсты фæстиуджытыл дзырд цæудзæн абоны æмбырдыл, нардуатон организациты минæвæртты хайадистæй.

Сӕйраг темӕтӕ