05:17 24 КÆФТЫ МÆЙ
 2017
Комкоммӕ эфир
Гасситы Натали

Хуссар Иры ахуырады министр: ахуыргæнæджы куыст æнцон нæу

© Sputnik / Наталья Айриян
Хуссар Ирыстоны
Чысыл дӕнцӕг
8 0 0

Ахуыргæнæджы æхсæнадæмон боны Хуссар Ирыстоны ахуырады министр Гасситы Натали ауагъта пресс-конференци æмæ раарфæ кодта бæрæгбоны сæраппонд ахуыргæнджытæн

ЦХИНВАЛ, 5 окт — Sputnik. Хуссар Ирыстоны ахуырад æмæ зонады министр Гасситы Натали раарфæ кодта республикæйы ахуыргæнджытæн сæ профессионалон бæрæгбоны сæраппонд.

"Ахуыргæнæджы куыст тынг уæздан у. Ахуыргæнæг уæвын æнцон нæу. Ахуыргæнæг дæргъвæтин 11 азы мидæг ис æнæфескъуыйгæ бастдзинад йæ хъомылгæнинæгтимæ, æмæ свæййы дæнцæг йæ ахуыргæнинæгтæн – ацы куыст у иууыл зындæр æмæ иууыл кадджындæр. Ноджыдæр арфæ кæнын ахуыргæнджытæн бæрæгбоны фæдыл", — загъта Гасситы Натали пресс-конференцийы рæстæджы.

Уый ма бафтыдта, Ахуыргæнæджы бон ахуырады министрады кæй ацæудзæн ахуыргæнджыты схæрзæх кæныны церемони мидведомствæйон хорзæхтæй сæ дæргъвæтин куысты тыххæй.

Ахуыргæнæджы дунейон бон, кæцы æрвылаз нысан кæнынц 5 октябры, ЮНЕСКО расидт 1994 азы. ССРЦ-ы æмæ Уæрæсейы ацы датæ 30 азы бæрц нысан кодтой октябры фыццаг хуыцаубоны. Фæстæдæр Ахуыргæнæджы бон райдыдтой нысан кæнын 5 октябры.

Сӕйраг темӕтӕ