05:11 24 КÆФТЫ МÆЙ
 2017
Комкоммӕ эфир
Гаглойты Юрийы чиныг Нартæ æмæ Алантæ

Ахуыргæндтæ бæрзонд аргъ скодтой Гаглойты Юрийы чиныг "Нартæ æмæ Алантæн"

© Sputnik / Наталья Айриян
Хуссар Ирыстоны
Чысыл дӕнцӕг
8 0 0

Зынгæ алантæзонæджы ног чиныгмæ бацыдысты Нарты кадджыты националон верси æмæ алантимæ ирæтты генетикон бастдзинады æмахасты фæдыл зонадон уацтæ æмæ иртæстытæ

ЦХИНВАЛ, 5 окт — Sputnik, Уалыты Диана. Цхинвалы ацыд профессор Гаглойты Юрийы чиныг " Нартæ æмæ Аланты" презентаци, цæй рæстæджы ирон ахуыргæндтæ дзырдтой сæ хъуыдытæ æмæ фиппаинæгтæ куысты фæдыл.

Мадзалы ма хайад райста президент Бибылты Анатолий, кæй финансон æххуысæй мыхуыр æрцыд чиныг 1000 экземплярæй.

Историкон зонæдты доктор Цыбырты Людвиг банысан кодта, Гаглойы фырты куыстыты аргъ бæрзонддæр кæй кæны уыцы рæстæджы, æмæ фылдæрæй фылдæр кæй кæны алайнаг бынтæм претендентты нымæц.

"Чиныджы автор у зындгонддæр æмæ тыхджындæр алантæзонджытæй иу, кæцыйы куыстытæ сты тынг популярон Уæрæсейæн æддейæ. Йæ иртæстытæ сты тынг арф. Ӕз иу ахуыргонды дæр нæ зонын Абайты Уасойы фæстæ, кæцы афтæ арф бакуыста алайнаг проблематикæ, нарты хъайтарты фæлгонцты æмæ терминологи, н=генезис æмæ эпосы фарстытыл", — бафтыдта уый.

Презентация книги Юрия Гаглойти
© Sputnik / Наталья Айриян
Гаглойты Юрийы

Этнограф Хъуылымбегты Роберт банысан кодта адæмы тохы æнæмæнгхъæуæгдзинад сæ историкон ивгъуыдыл, афтæ ма банысан кодта ахæм куыстыты нысаниуæг æппæт ирон адæмæн.

"Чиныгæн йæ номы дæр ис æвæрд нысаниуæгджын мидис – нартæ æмæ алантæ. Ацы дыууæ темæ нæ зонад æмæ нæ æхсæнады ахсынц сæйрагдæр бынат. Хъыгагæн, фæзынд ахæм адæм, кæцытæ нымайынц æнæмæнгхъæуæгдзинадыл, алкæмæн дæр дзурын, ома нартæ æмæ алантæн бынтондæр ницы ахаст ис ирæттæм. Уыдонæн ныхмæ фæлæууынæн хъæуы тох кæнын нæ историйы сæрыл", — бахахх кодта историк.

Президент загъта бузнгы авторæн нысаниуæгджын æмæ вазыгджын куысты тыххæй, кæцыйæн уый снывонд кодта йæ цард æмæ банысан кодта, алыхаттдæр цæттæ кæй у баххуыс кæнын чингуытæ æмæ зонадон куыстытæ рауадзынæн.

Сӕйраг темӕтӕ