Театр бакодта сезон спектакль "Хъæд"-æй

© Sputnik / Плиты ФатимаСпектакль, РХИ драмон театр
Спектакль, РХИ драмон театр - Sputnik Хуссар Ирыстон
Рафыссын
Цхинвайлаг кæсæгæн равдыстой уæрæсейаг классикы уацмыс ирон цæстæнгасæй

ЦХИНВАЛ, 5 окт — Sputnik, Уалыты Диана. Хуссарирыстойнаг театры сценӕйыл ивгъуыд мæйы ацыд Александр Островскийы пьесæ "Хъæд"-мæ гæсгæ комедийы премьерæ. Ӕвæрæг- режиссер Андрей Цисарукы ныхæстæм гæсгæ, равзаргæ æрмæджы сæйраг хъайтартæ йын сты æввахс.

Режиссер - Sputnik Хуссар Ирыстон
Рагон спектакль "Ӕфсин" ӕрыгон режиссер Хъотайты Сӕрмӕты цӕстӕнгасӕй

Премьерон равдыстытæ цæуынц нырма Профцæдисты бæстыхайы, театры ног бæстыхай куы сцæттæ уа, уæд йæ ахæсдзысты ног бынатмæ. Профцæдисты бæстыхайы къуындæг уавæртæм æнæкæсгæйæ спектакль рауад удæгас æмæ рæсугъд. Декорацитæ æрцахстой канд сценæ нæ, фæлæ зал дæр.

Уӕрӕсейаг режиссер республикӕмӕ ӕрцыд Хуссар Ирыстоны паддзахадон драмон театры фæхуындмæ гæсгæ.

Ирон æвзагмæ пьесæ раивта Гæджиты Георгий.

Хуссар Ирыстоны театры сценæйыл Островскийы уацмыстӕм гӕсгӕ спектакль сæвæрдзысты ныр фæндзæм хатт. Амæй размæ ма зынгæ уæрæсейаг драматургы сфæлдыстадмæ бавнæлдтой бынæттон режиссертæ Губиты Г., А. Азаревич, Магкаты А. æмæ Дзуццаты Тамерлан

Ног хабӕртты лентӕ
0