03:11 24 КÆФТЫ МÆЙ
 2017
Комкоммӕ эфир
Краснодар

Хуссар Ирыстон хайад райста фестиваль "Сабырад Кавказæн"-ы

© Sputnik / Виталий Тимкив
Хуссар Ирыстоны
Чысыл дӕнцӕг
8 0 0

Фестивалы фæлгæтты ацыдысты концерттæ, равдысттæ æмæ презентациты проекттæ этнокультурон размæцыды фæдыл

ЦХИНВАЛ, 9 окт — Sputnik, Босыкты Наталья. Хуссар Ирыстоны делегаци хайад райста аивæдты дæсныты XIX æхсæнадæмон фестивалы "Сабырад Кавказæн", кæцы ацыд 6-8 октябры Уæрæсейы Краснодары крайы, фехъусын кодтой Sputnik культурæйы министрады пресс-службæйы.

Хуссарирыстойнаг делегацийы сæргъ лæууыд культурæйы министрады аивæдты хайады гæс Ӕлборты Фатимæ.

Фестивалы фæлгæтты хуссарирыстойнаг сывæллæтты ансамбль "Ирон" Хуыгаты Дианайы къухдариуæгады бын равдыста йæ программæ иумæйаг концерты, кæцы ацыд Хъырымаг районы.

Фестивалы хъуыддагджын программæ адарддæр кодта тымбыл фынг "Культурон æмæ æвзагон бирæвæрсыгдзинад – уæрæсейаг паддзахаддзинады историкон бындур", цы ран райста хайад президенты администрацийы мидæггагон политикæйы управленийы сæргълæууæг Уанеты Мурæт.

Фестивалы фæлгæтты уагъд æрцыд культурæ æмæ аивады фæдыл Коодинацион советы рабадт, кæцыйы рæстæджы Уæрæсейы субъектты культурæйы органты къухдариуæггæнджытæ æруынаффæ кодтой культурæмæ инвестициты эффективондзинад фæбæрзонддæр кæныны фадæттыл.

Фестиваль балхынцъ ис регионтæ-хайадисджыты сфæлдыстадон коллективты стыр гала-концертæй.

Фестивалы хайад райстой 17 коллективы Хуссар æмæ Цæгат-Кавказаг федералон зылдты регионтæй, уый нымæцы Хъырым æмæ Севастополь, афтæ ма Абхаз æмæ Хуссар Ирæй.

Сӕйраг темӕтӕ