18:18 20 ДЖЕОРГУЫБАЙЫ МÆЙ
 2017
Комкоммӕ эфир
Президенты Кубокыл хъазтытæ футболæй

Цхинвалы райдыдтой Президенты Кубокыл хъазтытæ футболæй

© Sputnik / Наталья Айриян
Хуссар Ирыстоны
Чысыл дӕнцӕг
79 0 0

Фембæлдтæ цæуынц æмрæстæджы республикон стадионы æмæ футболы скъола "Фæрæнк"-ы фæзуаттыл. Президенты кубок рамбулыныл тох кæнынц 24 командæйы

ЦХИНВАЛ, 2 ноя — Sputnik. Президенты Кубок рамбулыны сæраппонд Цхинвалы райдыдтой æппæтреспубликон ерыстæ мини-футболæй хистæр кары командæты хсæн.

Хъæзтытæ цæуынц æмрæстæджы республикон стадионы æмæ футболы скъола "Фæрæнк"-ы фæзуаттыл. Президенты кубок рамбулыныл тох кæнынц 24 командæйы.

Фыццаг фæзуатмæ рахызтысты ПӔК æмæ МХМ командæтæ. Уый фæстæ футболисттæн раарфæ кодта президент Бибылты Анатолий. Паддзахады сæргълæууæджы цæст бауарзта, цæмæй турниры фæуæлахиз уа тыхджындæр командæ.

Кубок президента Республики Южная Осетия по футболу
© Sputnik / Наталья Айриян
Президенты Кубокыл хъазтытæ футболæй

"Фæнды мæ цæмæй рамбула тыхджындæр командæ, фæлæ сæйраг хъуамæ фæуæлахиз уа æфсымæрдзинад æмæ хæлардзинад. Хорз æнтыстытæ фенын кæнут хъазты æмæ рæзгæ фæлтæртæн фæзминаг ут. Размæ. Хуыцау уын æххуысгæнæг уæт", — банысан кодта президент йæ раныхасы.

Мини-футболæй турнир цæудзæн 10 ноябрьмæ. Турниры уæлахиздзау Президенты Кубокæй дарддæр райсдзæн 50 мин сомы, æвзист призер —30 мин æмæ æртыккаг бынаты хицау та 20.

Турниры архайынц тыхон структурæты, горæты æмæ районты командæтæ.

Сӕйраг темӕтӕ