18:12 20 ДЖЕОРГУЫБАЙЫ МÆЙ
 2017
Комкоммӕ эфир
Бæхты дугътæ

Джеры коммæ Хуссар Иры барджыты хонынц æвдæм дугътæм

© Sputnik / Ада Багиан
Хуссар Ирыстоны
Чысыл дӕнцӕг
94 0 0

Бæхты дугътæ цæудзысты Джеры комы Уастырджымæ кувæн къуырийы. Дугътæй дарддæр фæсивæд сæ тыхтæ бавзардзысты армспорты, дур æхсынæй æмæ гири исынæй

ЦХИНВАЛ, 7 ноя — Sputnik, Плиты Фатимæ. Республикæйы фæлтæрддæр барджытæ сæ тыхтæ бавзардзысты бӕхты дугъы 25 ноябры Джеры комы. Æвдæм номарæн дугътæ ацæудзысты уæрæхдæр гуырахстимæ, барджытæй дарддæр ма фæсивæд се 'взыгъддзинад равдисдзысты алыгъуызон ерысты, фехъусын кодта Sputnik мадзалы организатор Къӕбулты Ренат.

Бæхты дугътæ фӕстаг ӕзты Хуссар Ирыстоны ссисты традицион, цæуынц ныр æвдæм аз. Ерыстæ нывонд сты Къӕбулты Хъазбег ӕмӕ йæ фырт Юрийы рухс нӕмтӕн. Ацы аз дæр та барджытӕ сӕ арӕхстдзинад равдисдзысты æртæ километры дистанцийы.

"Ерысты бон снысан кодтам Уастырджымæ кувæн къуыритæм, уымæ гæсгæ ма дугътæй дарддæр сараздзыстæм, нæ фыдæлтæ-иу кувæн къуыриты цавæр хъазтытæ арæзтой, уыдонмæ æнгæс мадзæлттæ — армспорт, дурæхсын æмæ гири исынæй фæсивæд фæлвардзысты сæхи. Джеры Дзуары рæбын цæудзысты сæйраг мадзæлттæ", — банысан кодта организатор.

1991 азы гуырдзиаг-ирон хӕсты рӕстӕджы Джеры комы Уанаты хидыл Къӕбулты Хъазбегæн гуырдзиӕгтӕ фехстой йӕ бӕх, йӕхӕдӕг та уӕдӕй абонмӕ у ӕбӕрӕгӕй сӕфт. Къӕбулты Юрий та йӕ трагикъон мӕлӕты размӕ архайдта ацы комы Саудзуары агъуыст саразыныл. Уымæ гæсгæ æрвылаз Къæбулты фыд æмæ фырты номарæн дугътæ цæуынц Джеры комы. Фыццаг хатт дугътӕ уагъд ӕрцыдысты 2010 азы.

Сӕйраг темӕтӕ