18:19 20 ДЖЕОРГУЫБАЙЫ МÆЙ
 2017
Комкоммӕ эфир
Къӕбысты Георгий

Хуссар Иры ӕрцахстой бастдзинады раздӕры министр Къӕбысты Георгийы

© ИА "Рес"
Хуссар Ирыстоны
Чысыл дӕнцӕг
26 0 0

Къӕбысты Георгиимӕ ма барадхъахъхъӕнӕг органтӕ ноджы ӕрцахстой Цхинвалы цӕрӕг Джиоты Мирианы

ЦХИНВАЛ, 8 ноя — Sputnik. Цхинвалы ӕрцахстой бастдзинад ӕмӕ массон коммуникациты раздӕры министр Къӕбысты Георгийы, фехъусын кодтой Sputnik республикӕйы Генералон прокуратурӕйы.

"Генпрокуратурӕйы Слестгӕнӕн управленийы Къӕбысты Георгийы ныхмӕ бакондӕуыд уголовон хъуыддаг "кусӕгон барты сӕрты ахизыны" статьямӕ гӕсгӕ", — загътой прокуратурӕйы.

Къӕбысты Георгий у Хуссар Ирыстоны Ӕддагон басгӕрсты службӕйы архайгӕ бӕрнон кусӕг, афтӕ ма бастдзинад ӕмӕ массон коммуникациты комитеты сӕргълӕууӕджы хӕдивӕг.

Уымӕй дарддӕр ма, фехъусын кодтой Генпрокуратурӕйы, Къӕбысты Георгиимӕ барадхъахъхъӕнӕг органтӕ ноджы ӕрцахстой Цхинвалы цӕрӕг Джиоты Мирианы, кӕцымӕ зӕрдӕ ӕхсайы "егъаубӕрцӕй ӕнӕзаконон амалиуӕгадон архайды".

"Уголовон хъуыддаджы дыууӕ фигуранты дӕр ахст ӕрцыдысты зӕрдӕхсайгӕты хуызы нырма 48 сахатмӕ", — загътой Генералон прокуратурӕйы.

Уагдоны ма бафтыдтой, уагъд кӕй цӕуынц слестгӕнӕн ӕмӕ оперативон-агурӕн мадзӕлттӕ.

Къӕбысты Георгийы ӕввахс адӕм куыд радзырдтой Sputnik, афтӕмӕй дыццӕджы йӕ хисӕрмагонд хӕдзары Цхинвалы уагъд ӕрцыдысты басгӕрсттӕ.

Къӕбысты Георгий — ПӔК-ы раздӕры ӕмкусӕг, хицӕн рӕстӕджыты куыста бӕрнон бынӕтты РХИ Паддзахадон хъахъхъӕнынады службӕйы, Информаци ӕмӕ мыхуыры комитеты. У республикӕйы уӕлдӕр паддзахадон хорзӕх — Орден Уацамонгӕйы кавалер, активон хайад иста гуырдзиаг-ирон хӕсты.

Сӕйраг темӕтӕ